نامۍ: حەسەن
نازنام: خامۆش
نامۊ تاتەی: نادر
ساڵۊ پېڎابېیەی: 1928ز
ساڵۊ مەرڎەی: 2011ز
یاگۊ پېڎابېیەی: #پێنجوێن#
یاگۊ مەرڎەی: #هەڵەبجەی تازە#
$ژیۋاینامە$
مامۊسا خامۆش، نامی تەمامەش (حسن نادر خضر حسن) ئەشناسیا بە (خامۆش)، ساڵەو (1928ز) جە پێنجوینە جە ئەڎێ بېیەن, زیاتەر جە (2000) پارچە شیعریش بە (سۆرانی و ھەورامی) نویستېنۍ, ڕەفېقێوە وەشەوېسو (موفتی پێنجوێنی) و (قانع) ی بېیەن. بەشێ جە شېعرەکاش هونەرمەڼی گۆرەو کوردی (حەسەن زیرەک) ی کەردېنی بە گۊرانیۍ. خامۆشی شاعېر بە مەڵامەتو ئانەی ئەڎا و تاتەش هۆرامی زوانۍ بیېنۍ، خەڵکو دەگاو (زەڵم)ی، بە هەر دوە شېوەزوانو هۆرامی و سۆرانی شېعرېش نویستېنۍ. خامۆشی شاعېر ساڵەو (2011ز) جەھەڵەبجەی تازە کۊچی دمایینش کەردەن، دماو مەردەیش جەقەزاو سەیساڎقی (گەڕەکێوە و جادێوە و قەبرسانێوە) بەنامېشۆ نریێنۍ. نمونێوە جە شېعرەکاش:
ئازیز
ئازیز مەزانی دەردم کاریەن
یەجای تیر تۆن زوخاو جاریەن
جەھیجران دوریت مانم موشکڵەن
زامانم پەڕ سۊز دایېم وەچڵەن
ھۆناو زامان پەرترۆک نەبەستە
دایېم چڵ مەدو چوون ماران گەستە
ئازیز بو وەسەیر ھوناو زامان
جەتەک مەتکیۆ سەرتاپا دامان
شیفام وەقودم خاسی خاسانەن
دەوای بیماران لەلاش ئاسانەن
زەحمەت کیشەوە وە باڵینم بۊ
ئاگادار جەدەنگ شەوناڵینم بۊ
بەڵگین زامانم ساکن بۊ جە تۆ
تاکەی بگېڵو سارا و دەشت و کۆ
بوینوە چەم لاشەی بیمارم
گوش بدەر وە دەنگ ناڵەو ھاوارم
ئۆسا مەزانو کە دەردم چېشەن
دەرمانو دەردېم بەدەستی وېشەن
مەرکاتێ زامان ساکنە چڵبۊ
نیشی برژانگش وەپەری دڵبۊ
گېیانی شیرینم بەرشۆ وەئاسان
پەروازکات پەری ئارامگەی خاسان
ئازیزم بوانۆ نامەی جیایی
نەجای تەلقینم یانەی تەنیایی
ئیتر چوون خامۆش شادم وەمەرگم
برژانگی ئازیز پارەکەرد جەرگم.
ئەسعەد ڕەشید.[1]