کورد دلۍ چەرخەکا تاریخینە
بەشۍ: هەشتا و ششەمە
نویستەی: #هاوڕێ باخەوان#

ساڵەو (1516ز): ئەچی ساڵېنە عوسمانییەکۍ لەشکەرێ ویس هەزار کەسیشان بە سەرداری خەسرەو پاشای کېیاستەن پەی سەرو مەلا ئیدریس بەدلیسی، پەی ئانەی تەمامو ناوچە کوردییەکا بگنان چېرو چنگا عوسمانییەکا. هەر ئەچی ساڵېنە میرو سۆرانی (میر سەعید کوڕو شاعەلی بەگ)ی شارەکانو (هۆلېر و کەرکووک و موسڵ)یش ۋستۍ چېرو چنگا وېش.
ساڵەو (1520ز): ئەچی ساڵېنە مەلا ئیدریس بەدلیسی کۊچی دمایینش کەردەن، نامبریا جاسووسێ ئالی عوسمانی بېیەن. هەر ئەچی ساڵېنە یەکەمین ڕېککۆتێ مېیانو ئێرانی و عوسمانی سەرو گرفتو سەرحەڎو هەردۋۍ لایا کریان، ئانەیچ پېوەڼییش بە دابەشکەردەی کوردەسانیۆ بېیەن.
ساڵەو (1524ز): شا عەباسی سەفەوی ئەچی سەدەنە فەرمانڕەواییەکەش کۊتاش ئامان.
ساڵەو (1530ز): ئەچی ساڵېنە، یام ساڵەی دمایینەنە، سڵېمان بەگ کوڕو موحەمەڎ بەگ کوڕو عەلی بەگی سەرو فەرمانو سوڵتانی عوسمانی کریان بە میرو ساسۆنی.
ساڵەو (1533ز): ئەچی ساڵېنە میر حەسەن سەیفەدینی ئامێدی کۊچی دمایینش کەردەن.[1]