کورد دلۍ چەرخەکا تاریخینە
بەشۍ: سەڎ و شەسس و ششەمە
نویستەی: #هاوڕێ باخەوان#
ساڵەو (1847ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە عەبدوڵڵا پاڎشاو بابانی بېیەن بە میرو بابانی.
* ئەچی ساڵېنە جەنگو میانو ئێرانی و عوسمانی هۊرخېزیان.
* ئەچی ساڵېنە، فارس و عوسمانیۍ پێمانێشا مۊرکەردەن، هەردوېشان ڕېکۍ کۆتۍ سەرو ئی دوە خاڵەیە:
یەکەم: سنوورو میانیشان دەسنیشان بکەران.
دوەم: گېڵنایۆ ئا هۊزە کوردا بە زۊر کە ئامێنۍ دیمو یۊترینیۆ.
* ڤ. دیتێل، کە یەرە ساڵێ کوردەسانەرە گېڵابۍ، وتارێش بە زوانی ڕووسی سەرو چڼین کەرەسە فولکلۆریە کوردیا دلۍ گوڤارەو شالیارگاو ڕۊشنویری میللینە وەڵاکەردۆ.
* باروناک بەگ فیرۆخان، کە پزیشکێ ئەرمەنی بېیەن، ئامان پەی سلێمانی، نویستەنش کە ئامارو نیشتەجایا سلێمانی (15000) کەسېن، بېجگە جە (500) نەفەراشا، گردشان کوردېنۍ، ئانەیچشە نویستەن کە سلێمانی دۋۍ بارەگێ سەربازیېش چەنەبیېنۍ، یۊشان (2000) پیادۍ کوردی و ئەوی تەرشان (1000) دانېش چەنەبیېنۍ. ئی هەزار پیادە پارېزنای میریشان گەردنەنە بییەن، دیسان ئانەش تۊمار کەردەن کە شارو ڕەواندوزی نزیکەو (1600) یانە کوردېش چەنە بیېنۍ، ژمارەشان (6000) کەسۍ بیېنۍ.
* میرنشینو بۆتانی، بە دەسو تورکەکا ئەچی ساڵېنە ۋڕان.
* کۊتاو ئی ساڵېنە، تورکەکۍ دلۍ هەرېمە کوردەکا سەرنیشتینە، ئەیالەتێ تازەشان پېکئاوەردو (ئەسەد موخلیس پاڎشا) کریا بە ڕاوەبەرش.[1]