کورد دلۍ چەرخەکا تاریخینە
بەشۍ: دوەسەڎ و یەرەمە
نویستەی: #هاوڕێ باخەوان#
* ساڵەو (1882ز)
* کۊتاو مانگەو (10) ئی ساڵېنە، هېزێ تورکی لوانە دلۍ هەکاری و شېخ عوبەیدوڵڵای نەهری چەنی سەڎ خانەواداشا بەدیل گېرتۍ و ڕەوانەو موسڵیشا کەردۍ، دماتەر پەی ئەسکەندەرونەی و ئینجا پەی بەیروتی و دماتەر ڕەوانەو مەککەیشا کەردۍ.
* تاریخو (13-11-1882ز) تورکەکۍ تۊقەو قەڵاو شێپتانیشا دا، شېخ عەبدولقادر کوڕو شېخ عوبەیدوڵلای پەی ماوەو (6) دەمژمارا وەرگیریش کەرد و دماتەر وېش دا دەسو تورکەکاوە، دمایی ڕەوانەو موسڵیشا کەرد.
* تاریخو (23-12-1882ز) فەرمانو دوور ۋستەیۆ شېخ عوبەیدوڵڵای شەمزینی پەی عەرەبستانو سعودی جە لاو تورکەکاوە بەرشییەن.
ساڵەو (1883ز): چن تۊمارێ پېوەس پی ساڵېوە ئینێ وەردەسەنە:
* مەلا مەهدی شێخولئیسلامی سنەیی شاعېر، کە بە ئاغە نامبانگش بەرکەردەبۍ، ئەچی ساڵېنە کۊچی دمایینش کەردەن.
* پەخشکەردەی کتېبێ سەرو کورد و کوردەسانی بە دەسو کەسێ بە نامۍ (ڤونش)ی نەمسایی.
* شېخ ئۆڕەحمانی مەولانای شاعېر، ئەچی ساڵېنە کۊچی دمایینش کەردەن.
* میرنشینو ئەستونی ئەچی ساڵېنە بە دەسو عوسمانییەکا ۋڕان.
* ساڵح قەفتان ئەچی ساڵېنە دلۍ شارو سلێمانی ئامان دنیا.
* سوورەییا بەدرخانە ئەچی ساڵېنە ئامێنە دنیا.
* مەلا موحەمەد ئەمین، ئەمین ئیسلامی سنەیی شاعېر، ئەچی ساڵېنە کۊچی دمایینش کەردەن.
* کەیفی جوانڕۆیی شاعېر ئەچی ساڵېنە کۊچی دمایینش کەردەن.
* شېخ عوبەیدوڵڵا کوڕو شېخ تەهای نەهری، ئەچی ساڵېنە دلۍ شارو مەککەی کۊچی دمایینش کەردەن.
* حاجی مەڵڵا ئەحمەڎی نۊدشی شاعېر ئەچی ساڵېنە کۊچی دمایینش کەردەن.
* کتېبێ سەرو کورد و کوردەسانی جە بەرلین بە دەسو پاشتاین نامێوە، ئەچی ساڵېنە وەڵاکریانۆ.
* هۊزو (گەورک)ی جە ناوچەو سابڵاخی، ئەچی ساڵېنە ڕاپەڕێنۍ.
[1]