فەقیر چاوی هەر لە دۆخینە، دەورەمەند چاوی هەر لە جۆخینه
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (فەقیر چاوی هەر لە دۆخینە، دەورەمەند چاوی هەر لە جۆخینه)، نوکتەیەکی کوردەواری هەیە دەڵێت: پیاوێکی هەژار نیوەڕۆ دەگەڕێتەوە ماڵ بە ژنەکەی دەڵێت: چیت لێناوە بیخۆین؟ ژنەکەش لەبەر ئەوەی زۆر هەژارن هیچ لە ماڵیان نەبووە تاوەکوو لێی بنێت، دەڵێت: بەخوا پیاوەکە هیچمان نەبوو، پیاوەکەش دەکەوێتە سەر ژنەکە و دۆخینەکەی دەکاتەوە و سەرجێیەکی لەگەڵ دەکات، بۆ دوای نیوەڕۆ بەهەمان شێوە پیاوەکە دەچێتە مەیدانی کار و هیچ کاری دەست ناکەوێت و دووبارە ئێوارە کە دەگەڕێتەوە، لە ژنەکەی دەپرسێت چیت لێناوە؟ ئەویش دەڵێت: بەخوای هیچمان نییە ئەگەر شیوەکەی-چێشتەکەی نیوەڕۆ گەرم بکەینەوە.
کەچی دەوڵەمەندەکان هەر خەریکی کۆکردنەوەی سامان و بەرووبوم و خەرمان و جۆخینەکانیان دەبن، ئەوە بووە بە ئیدیۆم و دەوترێت: فەقیر چاوی هەر لە دۆخینە، دەورەمەند چاوی هەر لە جۆخینه. [1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 50 defa görüntülendi
Bu makale hakkında yorumunuzu yazın!