حکومەت کێروشکی بە عارەبانەی دەگری
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (حکومەت کێروشکی بە عارەبانەی دەگری)، کەروێشک، کێروشک، گیانلەبەرێکی ماڵی و کێوییە، لە پێدەشتەکانی #قەراج# و کەندێناوه جۆری کێوییەکەی زۆرە و گیانلەبەرێکی بەبازە و خێرا دەبەزێت و تەنیا تاژی دەتوانێت ڕاوی بکات، حکومەت لەبەر ئەوەی زۆرترین ڕێنمایی و ڕێکاری هەیە بۆ بەڕێوەبردنی وڵات، یاسا بەرکارەکانی هێندە زۆرن وەکوو تەونی جاڵجاڵۆکەیە و هەموو تاکێکی کۆمەڵ بەیاسا ڕام دەکات، عارەبانە، ئەو ئامێرەی لەسەر پێچکە و تایە بڕوات لە کۆندا گایەکان و وڵاغەبەرزەکان ڕایاندەکێشا و کەلوپەلیان پێ دەگواستەوە، بەو دواییانەش دوو چەرخە و سێ چەرخەی هەبوو، هەژارەکان کاری کرێکاری و کۆڵبەریان پێ دەکرێت لەشارەکانی کوردستان.
حکومەت دەتوانێت کەروێشک بە عارەبانەی ڕاو بکات، واتە: دەسەڵات و ڕێکار و یاسای بەرکاری زۆری هەیە بۆ بەرزەفتکردنی میللەت و ڕەعیەت. [1]
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 36 defa görüntülendi
Bu makale hakkında yorumunuzu yazın!