ل ساڵا 1920 ل باژێڕێ #سلێمانی# ژدایک بوویه. خوەندنا سەرەتایی ل باژێڕێ خوە تمام کرییە و چوویە بەغدایێ ل قوتابخانەیا مالا ماموستایێن لادێ.
ل قوتابخانەیا ڕۆستەمییە هاتییە وەرگرتن و ل هاڤینا ساڵا 1940دا خوەندنا خوە تمام کرییە و باوەڕنامەیا دەرچوونێ وەرگرتییە و ل مەها تشرینا ئێکەم هەر وێ ساڵی بوویە ماموستایێ قوتابخانەیا سەرەتایی ل پارێزگەها سلێمانی و ل گەلەک باژەڕ و دێهاتان ماموستایی کرییه.=KTML_Photo_Begin=https://www.kurdipedia.org/files/relatedfiles/2008/339/0007.JPG=KTML_Photo_Alt=ئیبراهیم ئەمین باڵدار=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/339/0007.JPG=KTML_Photo_End=
چەند ساڵەکان ل گوندێن #هەورامان# و #هەڵەبجە# و ل نێزیکی چیایێ سوورداش لە #قەمچوغە# و گوندێن دن ماموستا بوویە و لڤی هەیامەیدە ئەلفبێیەکە نو ژبو فێرکرنا زمانێ کوردی دانایە و دەستنڤیسا وێ ژبو ڕێڤەبەراتیا پەروەردەیا سلێمانی هنارتییە و لوێرێ لێژنەیەکە پسپۆڕ پەسند کرییە و ژبو شالیارێتیا پەروەردێ ل بەغدایێ هنارتییە، کو وی سەردەمەی ژێڕە دگوت وەزارەتا مەعاریف و پسپۆڕان کو ئەو و سازییا یۆنسکۆ ژی پەسند دکەن، ئیجا چاپکرنا وی دکەڤیتە بن دەستێ وی ببەخوە.
بەری تمام بوونا چاپا وێ ئەلفبێیا نوو یا ماموستا باڵدار ل ساڵا 1950دا ژبۆ باژێڕێ #هەڤلێر#ێ هاتییە ڤەگوهاستن و ئەو ئەلفبێیا نوو لە هەڤلێرێ گوتییه، کو لسەر ڕییا ڕستەیی دهێتە گووتن، نەک پشت ب دەنگێ پیت و وشەیێن بتەنێ ببەستیت وڤ ئەڤ ڕییا ماموستا باڵدار گەلەکا زانستی و پەروەردەییه.
ماموستا ئیبراهیم باڵدار حەزا تمام کرنا خوەندنا بلند هەبوو، لەوما ب هەوڵ و کۆششەکا زۆر باوەرنامەیا دەرچوونێ ل تاقیکرنێن گشتی یا قویناغا ئامادەیی وەرگرت و ل کۆلێژا بازرگانی و ئابووری ل زانینگەها بەغدا هاتە وەرگرتن و ل ئەنجامدا باوەڕنامەیا بەکالۆریۆسێ وەرگرت و هەر بڤێ چەندێ ڕانەوەستا بەلکی هەوڵ دا بچیتە ئەمریکا و ل دەستپێکا ساڵێن شێستان یا سەد ساڵا بوهری دە باوەڕنامەیا ماستەرێ ل کۆلیژا سان فڕانسیسکۆ ل وڵاتێ ئەمریکا ل پەروەردێ وەرگرت و ڤەگەڕیایە بەغدا.
ماموستا باڵدار پشتی ڤەکرنا زانینگەها سلێمانی و دبیتە ماموستا ل کۆلیژا ئاداب لڤێ زانینگەهێ.
دەمەکیش کو ئەڤ زانینگەهە ژبو هەڤلێرێ هاتە ڤەگوهاستن و ناڤێ وێ دێبیتە #زانینگەها سەڵاحەددین# ئەوژی ل هەڤلێرێ و ل کۆڵێژا ئاداب -پشکا کوردی وانەیان پێشکەش دکەت.
پشتڕە دچیتە باژێڕێ بەغدایێ ل زانینگەها موستەنسیرییە وانەیان ددەت هەیا کوو ل ڕوژا #1998-07-11# دا ل بەغدا و ل مالا خوەدە گیانێ خوە ژدەست ددەت و تەرمێ ڤێ کەسێ ژێهاتی ژبو کورد و کوردستانێ ژبو سلێمانیێ و ل گوڕستانا گردێ سەیوان دهێتە بخاک سپاردن.
بەرهەمێن چاپکری:
ماموستا ئیبراهیم ئەمین باڵدار ل ماوێ ژیانا خوەدە ئەڤ بەرهەما داناینە و چاپ کرینە:
1-ئەلفبێی نوێی کوردی بەغدا -چاپا ئێکەمین 1951 و هەیا نها پتری دەهان جاران چاپا دوبارە بوویە و 98 لاپەڕەیه
2-ئەلفبێ بۆ گەوران -بەغدا - چاپا ئێکەمین 1955 و 78 لاپەڕەیه
3-الابنیة المدرسیة للمدارس الابتدائیة -بەغدا 1965 و 42 لاپەڕە
[1]