بەڕەی خۆی لە ئاوێ دەردەکات
ڕایەخی بەڕە کە لە بەن و دەزوو و نایلۆن و پەڕۆ درووست دەکرێت، لە کۆندا وەکوو نوینی جاجم و لێفە و بەتانی بەخۆدادراوە، وەکوو وتراوە: نەچییە بن بەڕەی دوژمنم، بەڵام ئێستا بووە بە ڕایەخ و ڕادەخرێت و مرۆڤ لەسەری دادەنیشێت وەکوو وتراوە: دەبی بچییە سەر بەڕەی خەڵکی، هەر دەبێت لەسەر بەڕەی خەڵکی هەڵسیت، لە کاتی شوشتنی بەڕەکان لە کۆراو و کانیاو و سەر چەم و جۆگەکاندا، بەڕەکان کە تەواو تەڕ دەبوون لەبەر ئەوەی لە بەن و پەڕۆ درووست دەکران وەکوو ئیسفنج وابوون زۆر ئاویان دەکێشا و زۆر قوورس دەبوون، هەموو کەسێک بەئاسانی بۆی دەرنەدەهێنرا لە ئاوێ، وەکوو فەرش و کۆمباری تەڕی ئێستا کە بەچەند کەسێک ئینجا هەڵدەگیرێت و دەخرێتە بەر هەتاو، ئەو کیژۆڵانەی تازە پێ دەگەیشتن لەگەڵ دایک و خوشکە گەورە و پوور و براژن و مامۆژن و خاڵۆژن و...تاد، دەچوونە کۆڵەکانی و چەماشۆر و کورکردنێ بەڕەیان دەشوشت و دواتر دەیانخستە بەرخۆر، بەو کیژۆرانە دەوترا پاچەرە بووینە بەڕەی خۆیان لە ئاوێدا دەردێنن ئەوە بووە بە ئیدیۆم و لە سنووری #هەولێر# و #کۆیە# بەکاردەهێنرێت بۆ کەسانێک کە دەتوانن کاروباری ڕۆژانە و گوزەرانی خۆیان هەڵبسووڕێنن دەوترێت: بەڕەی خۆی لە ئاوێ دەردەکات. [1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 4 defa görüntülendi
Bu makale hakkında yorumunuzu yazın!