ناو: ڕەفیق
ناوی باوک: ساڵح
شوێنی لەدایکبوون: سلیمانی
ساڵی لەدایکبوون: 1955
ڕەفیق ساڵح ئەحمەد ساڵى 1955 لە شاری #سلێمانی# لە دایک بووە، خوێندنی سەرەتایی لە #هەولێر#و ناوەندى و دواناوەندى لە سلێمانی تەواوکردووە.
ساڵى 1977 بەشی بەڕێوەبردنی نووسینگەى لە پەیمانگاى تەکنیکی سلێمانی تەواوکردووە.
ساڵى 1981 بڕوانامەى بەکالۆریوسی لە بواری کارگێڕیدا لە زانکۆى موسڵ هێناوە. لە پەیمانگا تەکنییەکانی موسڵ، بەغدا، نەجەف، سلێمانی بۆ پتر لە 32 ساڵ وەک مامۆستاى کارگێڕى کارى کردووە. ڕۆڵى بەرچاوى هەبووە لە کردنەوەى بەشەکانی: کارگێرى، پەڕتووکخانە، گەشتوگوزار، سەرۆکی یەکەم بەشى ڕۆژنامەوانی بووە لە پەیمانگاى تەکنیکیی سلێمانی، وەک یەکەم دەزگاى ئەکادیمی بۆ پێگەیاندن و ئامادەکردنی کادیرى پسپۆر لەسەر بنەمایەکی ئەکادیمی لە مێژووى ڕاگەیاندنی کوردیدا. لە دەیان خولدا وەک مامۆستا بەشداری کردووە بە مەبەستى بڵاکردنەوەی هۆشیارى بەڵگەنامەیی، پەیوەندی گشتى، کارگێڕى. پتر لە 30 وتار و 3 توێژینەوى لە بواری ئەرشیف و کارگێرى بڵاوکردۆتەوە.
یەکێکە لە دامەزرێنەرانی ئەرشیفى نەتەوەیی کوردستان لە سلێمانی و#بنکەى ژین# بۆ بووژاندنەوەى کەلەپووری بەڵگەنامەیی و ڕۆژنامەوانی کوردى کە لە کۆتایی ساڵی 2004ەوە لە سلێمانی دەستى بەکارەکانی کردووە و بەڕێوەبەرى ئەو بنکەیە. ئەو بنکەیە پتر لە 191 کتێى لە بوارەکانی بەڵگەنامە، کۆکردنەوەى بەرهەمی نووسەرانی پێشوومان، مێژووى دراوسێکانمان، ڕۆژنامەوانی کوردی، دەستنووس، ئەوەى ئەوروپیەکان لە ماوەى چەندان سەدەى ڕابوردوودا لەسەر کوردیان نووسیوە. سەربارى کۆکردنەوە و کۆپی کردنە سەر CD لێشاوێکی زۆرى پەڕتووک، ڕۆژنامە و گۆڤار و بڵاوکراوە، دەستنووس، بەڵگەنامە، وێنەى جۆراوجۆر..هتد.
لە بواری ڕۆژنامەوانی کوردیدا ئەم ڕۆژنامە و گۆڤارە کوردیییانەى لەگەڵ “سدیق ساڵح”ى بەچاپ گەیاندووە: تێگەیشتنى ڕاستى 1918، ڕۆژى کوردستان 1922، بانگی کوردستان، بانگی حەق و ئومێدى ئیستیقلال 1923، ژیان 1926، چوار بەرگ، دیاری کوردستان 1925، نزار 1948، کوردستان و هاواری نیشتمان 1946، کوهستان 1945، دەنگی گێتیی تازە 1942 (خولی یەکەم) چوار بەرگ، دەنگی گێتیی تازە (خولی نیشتمانی) 37 ژمارە، هەتاو 188 ژمارە (1954-1960) بە 13 بەرگ، ڕۆژی نوێ 1960 (3 بەگ) ، بڵێسە 1959 (2 بەرگ) ، ڕوناهی 1960، برایەتی 1973، گەلاوێژ 1939 (18 بەرگ) ، چەندانییتر چاوەڕوانی چاپن. لێشاوێکی زۆرى پەڕتووک و دەستنووس و وێنە و ڕۆژنامە و گۆڤار و بڵاوکراوەى لە فەوتان ڕزگار کردووە و کۆپی کردوون لەسەر کۆمپیوتەر. [1]
ئەم بابەتە تایبەتە بە ماڵی پەڕتووکی کوردی.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 18,863 keer bekeken
Schrijf uw commentaar over dit item!