یەکێک لە دێکانی بەشی چلچەمەی شاری دیواندەرەیە لە ڕۆژهەڵاتی کوردستان. بە پێی ئاماری سەرژمێری ساڵی 2006، ئەم دێیە پێک هاتووە لە 44 بنەماڵە و ژمارەی دانیشتوانی 244 کەسە.
مێژوی ئەم دێیە دەگەڕێتەوە بۆ نزیکەی 500 ساڵ لەمەوپێش. نادرشای ئەفشار لە سەفەرەکەی خۆی دا بۆ دێی مەلانەوای ناوچەی خوڕخوڕە بۆ زیارەت کردنی قورئانی مێژوویی شێخ حەسەنی مەولاناوا لە ئاوبارەوە تێپەڕ بوو.
ئەم دێیە لە 45 کیلۆمەتری شاری دیواندەرە هەڵکەوتووە و نزیکەی 10 کیلۆمەتر لە کێوی چلچەمە دوورە.
ئاوبارە لە پاکێوێک دا هەڵکەوتووە و چۆمێک لە خوارووی دێکەوە تێپەڕ دەبێت. ئەمبەر و ئەوبەری بە داری چنار و بی پۆشراوە و دیمەنێکی جوانی داوە بەم دێیە.
شیاوی وتنە ئەم دێیە لە مێژەوە جێگەی پێگەیاندنی هەژمارێکی زۆر لە مامۆستایانی ئایینی ناوچەکە بووە کە هەندێک لەوان جێگە و پێگەیەکی بەرزیان بە دەست هێناوە.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 5,367 keer bekeken
Schrijf uw commentaar over dit item!