لە 1 تەموزی 1970 لە گەرِەکی ئیمام قاسمی شاری کەرکووک لەدایکبووە، هەر لە کەرکووک خوێندنی سەرەتایی و ناوەندی تەواو دەکات و لە پەیمانگای پێگەیاندنی مامۆستایان لە بەشی زمانی ئینگلیزی بەردەوامی بە خوێندن دەدات و دەبێتە مامۆستای زمانی ئینگلیزی، لە ساڵی 1993وە لە وڵاتی هۆڵەندا ژیان بەسەر دەبات، ساڵی 1996 لە شاری لیواردن بەشی مێژوو هەڵدەبژێرێت لە پەیمانگای مامۆستایان درێژە بە خوێندن دەدات و برِوانامەی ئەو پایمانگایە دەبێتە بناغەیەکی پتەو و پێویست بۆ زانکۆ، ساڵی 1998 لە زانکۆی ڕەدباودی شاری نایمێیخن کۆلێژی وێژە وەردەگیرێ و لەبەشی زمانەوانی و ڕۆژهەڵاتناسیدا بەردەوامی بە خوێندن دەدات و تا برِوانامەی دکتۆرا بە پلەی زۆر باش لەو زانکۆیە ناودارە بەدەست دەهێنێ.
توێژیننامەی دکتۆراکەی بە ناوی "خەباتی سەربەخۆیی کورد لە سەدەی نۆزدەدا"، کە بەسەرەپەرشتی مامۆستایانی زانکۆ دکتۆر ڕووڵ مایەر و پرۆفێسۆر دکتۆر هاراڵد مۆتسکی لە ڕێکەوتی 01-10-2007 دوای چەندین گۆرِانکاریەک بە پلەی هەشت لە دەیا پەسەند کراو لە کۆتایی ساڵی 2008 لە لایەن هەمان زانکۆ دا برِوانامەی دکتۆرای پێبەخشرا.
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,657 keer bekeken
Schrijf uw commentaar over dit item!