ئازاری 1999 - شوباتی 2001
نەوشیروان مستەفا
لە کتێبی لە نێوان مام جەلال و من دا
نەوشیروان مستەفا دەڵێ:
ئەمڕۆ مام جەلال نامەیەکی درێژی بۆ ناردم.لە نامەکەدا بە لایەکی ستایشی زۆری کردوم و دەوری منی لە یەکێتی دا بەرزکردۆتەوە، بە لایەکی تری دا هێرشێکی دووژمنانەی تووندی کردۆتە سەرم. هەموو ئەو قسەو قسەڵۆکە ناڕاستانەی چەند وەختە ناحەزەکانم لەناو باڵە ناکۆکەکانی یەکێتیدا و لەناو خەڵک دا بڵاوی ئەکەنەوە گوایە من دژی هەولێری و کەرکووکی و بادینی و یەزیدی و پێشمەرگەی کۆن و ژن و عەرەب و چی و چی...م ئەم لەم نامەیەدا هەمووی بە کوردیەکی ڕوون و ڕەوان لە دژی من تەوسیق و تەقنین کردووە. لەمێژ بوو ئەمبیستەوە و گومانم ئەکرد ئاشی بەرهەمهێنانی سەرچاوەی بڵاوکردنەوەی زۆری ئەو قسە و باسانە هاوڕێکانی خۆم بن، ئەم نامەیە گومانەکەی کردم بە یەقین.
ئەم نامەیەش ئەشێ بەشێ بێ لەو جەنگە نهێنی و ژێر بەژێرە پڕووپاگەندەییەی لەدووای ڕاپەڕینەوە بە جۆرێکی سیستەماتیک لە ناو یەکێتی و لە دەرەوە دا کاری لەسەر دەکرد بۆ هەڵکەندنی من. لەپێش کۆنگرەی یەکەمەوە دەستی پێ کردبوو، لە ڕۆژانی کۆبوونەوەکانی کۆنکرەی یەکەم دا کاری بۆ کرد و دوای کۆنگرەش تا ئێستاش درێژەی ئەدا ئەم نامەیەش نمونەکەیەتی.ئەگینا کەسێک پانزە ساڵی خۆشترین قۆناغی تەمەنی بە پێشمەرگایەتی لە شاخەکانی کوردستان دا بەسەر بردبێ، لە جزیرەی سوریاوە بە پێ سنورەکانی سوریا و تورکیا و عێراق و سنورەکانی ئێران و تورکیا و عێراقی پێوابێ و پەیوەندی هاوڕێیەتی لەگەڵ سەدان تێکۆشەری سەرانسەری کوردستان درووست کردبێ، ئەچێتە ئەقڵی کێوە ئەو کەسە ڕقی لە هەولێری و کەرکووکی و بادینی بێ.
لە خۆمم پرسی تۆ بڵێی ئەو هەموو ساڵە من شێت بوبم بۆیە داومەتە شاخ؟
تۆ بڵێی کەسێ دێوانەی خۆشەویستی نەتەوە و نیشتیمانەکەی نەبێ کە کەرکووک و هەولێر و بادینان بەشێکین بتوانێ بەرگەی پانزە ساڵی ژیانی پێشمەرگایەتی سەردەمی دەسەڵاتی بەعس بگرێ؟
تۆ بڵێی هەموو ئەو جەولە و شەڕ و شۆڕ و ناخۆشیانەی لە ناوچەکانی هەولێر کردوومە و زۆربەی هەرە زۆری پێشمەرگە و کادیرو فەرماندەکانی هەولێر و خۆشناوەتی و باڵەکایەتی کە تا ئێستاش لە نزیکترین هاوڕێکانمن ڕاست نەبێ؟
لە خۆمم پرسی:
ئایا ئەتوانم لەگەڵ کەسێک کاری جدی بکەم کە هەموو بۆچونەکانی منی لەسەر گۆڕینی شێوازی سیستەمی کاری حیزبایەتی کورت کردۆتەوە بۆ ئەو شتە شەخسیانە کە هیچی ڕاست نین؟
4ی 11 ی 2000 [1]
Lees het boek: لە نێوان مام جەلال و من دا
Aantal keer gedownload:
2,663 Wij willen graag alle schrijvers, vertalers en uitgevers het verzoek doen om ons te informeren waneer ze niet mee eens zijn dat hun boeken via Kurdipedia gedownload worden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 17,926 keer bekeken
Schrijf uw commentaar over dit item!