پۆلیسی هاتوچۆی گەرمیان ئاشکرایدەکات، لە 222 ڕوداوی هاتوچۆدا لەگەرمیان ئەمساڵ 238 کەس بونەتە قوربانی، هاوکات هێما بەکەمبونەوەی ڕوداوەکانی هاتوچۆ دەکات بەبەروارد بە 8 مانگی ساڵی ڕابردو.
ئاودێر محەمەد، گەرمیان: بەرپرسی ڕاگەیاندن و پەیوەندییەکانی بەڕێوەبەرایەتی پۆلیسی هاتوچۆی گەرمیان، کارزان مەجید، ئەمڕۆ، پێنجشەممە، بەئاوێنەنیوزی ڕاگەیاند، لەماوەی 8 مانگی ئەمساڵدا لەسنوری بەڕێوەبەرایەتی هاتوچۆی گەرمیان 222 ڕوداوی هاتوچۆ ڕویداوە کە بەبەراورد بەساڵی پار ڕوداوەکانی پێکدادان و وەرگەڕان و شێلان کەمی کردوە کە ساڵی ڕابردو 408 ڕوداو بوە.
ئاشکراشیکرد، لەمساڵدا 28 کەس بەهۆی ڕوداوەکانی هاتوچۆوە گیانیان لەدەستداوه و 210 کەسیش برینداربون.
کارزان مەجید، ڕونیکردەوە، ڕێژەی قوربانیەکانیش بەبەراورد بەساڵی ڕابردو کەمیکردوە.
بەرپرسی ڕاگەیاندن و پەیوەندییەکانی هاتوچۆی گەرمیان هوشیاری خەڵک و هەوڵەکانی پۆلیسی بەهۆکاری کەمبونەوەی ڕوداوەکان لەقەڵەمدا.
- 05-09-2013
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 6,634 keer bekeken
Schrijf uw commentaar over dit item!