عەلی ئەسغەر نەسروڵڵا پوور
هەولێر-2007
ئامێری موزیکی کورد
ئەم پەڕتووکە عەلی ئەسغەر نەسروڵڵا پوور ئامادەی کردووە و ستار کەریم وەریگێڕاوە بۆ کوردی. کاوە فەقێ زادە پێداچوونەوەی موزیکی بۆ کردووە. یەکێکە لە سەرچاوە گرنگەکانی دنیای هونەری موزیکی کوردی و ناساندنی موزیکژەنە میللەییەکانی کورد لە سنە و کرماشان و بۆکان و ... چەند ناوچەیەکی دیکەی کوردستان، ناوەرۆکی پەڕتووکەکە لە چەند بەشێک پێکدێ، نووسەر دوای گەڕان و زانیاری وەرگرتنێکی زۆر توانیوێتی زانیاری لەسەر موزیک ژن و چۆنێتی موزیک ژەنین و وەستا کارامەکانی درووستکردنی ئامێری زوڕنا و باڵەبان و دەف و شمشاڵ بناسێنێ. هاوکات گەڕاوەتەوە بۆ مێژووی کەونارا و سەردەمانی زوو و زانیاری لەسەر سەرەتاکانی تەمبوور و ساز و دەف و زوڕنا و... ئەم بەرهەمە لە بڵاوکراوەکانی ئینتیتیوتی کەلەپوری کوردە، نووسەر توانیوێتی زانیاری ورد لەسەر موزیکژەنەناودارەکانی کورد لە کرماشان و سنە و گەلێک شوێنی دیکە بناسێنێ، کە چۆن موزیکیان ژەندووە، هەروەها سەربارەت بە پەیوەندی موزیک و تەکییە و خانەقاکان دواوە، کە لەرابردوودا موزیکی کوردی بەو شێوەیە لەتەکییە و خانەقاکاندا ڕۆڵی هەبووە لە موزیکی ئایینی و عیرفانیدا. پەڕتووکەکە لەدووتوێی 218 لاپەڕەدایە و ساڵی 2007 چاپی یەکەم. حەمید ڕەزا ئازموودە نەخشەسازی بۆ کردووە. [1]
Let op: Er is geen PDF-bestand in Kurdipedia voor dit boek beschikbaar, help Kurdipedia om dit bestand te verkrijgen! Boek verzenden Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,603 keer bekeken