سۆران کەریم
قەرەتەپە داوای هاوکاری لە حکومەتی هەرێم و ڕێکخراوەکانی کۆمەڵی مەدەنی دەکات بۆ هاوکاریکردنی ئه و 700 خێزانەی بەهۆی شەڕەوە لە ناوچەکانی تری دیالەوە ئاوارە بوون، سەعدییەش سەدا 99ی دانیشتووانەکەی ماڵ و حاڵیان لە ترسی داعش بەجێهێشت.
محەمەد حاجی عومەر، لێپرسراوی کۆمیتەی قەرەتەپەی یەکێتیی نیشتمانیی کوردستان، بە خەندانی ڕاگەیاند: "بەهۆی ئه و شەڕ و پێکدادانەی لە ناوچەکانی تری دیالە دروستبووە لە نێوان چەکدارانی داعش و سوپای عیراق، خێزانێکی زۆر ڕووی کردووەتە ناوچەکەمان".
ئاماژەی بەوەشدا، کە زیاتر لە 700 خێزانی ئاوارەی ناوچەکان، لە قەرەتەپەدان، وتیشی: "ماڵ هەیە 10 خێزانی لە خۆ گرتووە، ئێمەش سەرجەم قوتابخانەکانمان تەرخانکردووە بۆ ئه و خێزانانە".
داواشیکرد، حکومەتی هەرێم و ڕێکخراوەکانی کۆمەڵی مەدەنی بچن بەهانای ئه و خێزانە ئاوارانەوە، چونکە ئەوان توانای هاوکاریکردنی زیاتریان نییە.
هاوکات، سەرچاوەیەک لە ناحیەی سەعدییە بە خەندانی ڕاگەیاند: "بەهۆی ئەوەی شارۆچکەکە لەلایەن چەکدارانی داعش_ەوە کۆنترۆڵ کراوە، لە ئێستادا نزیکەی سەدا 99ی خێزانەکان ماڵ و حاڵی خۆیانیان جێهێشتووە".
ئەوەشی خستەڕوو، کە دوو هاوڵاتی بە گوللەی چەکدارانی داعش لە کاتی دەرچوونیان لە شارۆچکەکە بریندارکران، وتیشی: "داعش مامەڵەیەکی خراپ لەگەڵ دانیشتووانی سەعدییە دەکات، بۆیە هەموو پێکهاتەکان شارۆچکەکەیان جێهێشتووە بە کورد و تورکمان و عەرەبەوە و ڕوویانکردووەتە شار و شارۆچکەکانی ژێر دەسەڵاتی هەرێمی کوردستان".
- 29-06-2014
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 6,697 keer bekeken
Schrijf uw commentaar over dit item!