پەیوەند جەلال
لەشاری سلێمانی لەماوەی هەشت مانگی ڕابردوودا زۆرترین ئه و توێژانەی بەڕووداوەکانی هاتوچۆ گیانیان لەدەستداوە کاسبکارانن و دوای ئەوانیش خوێندکاران.
مولازمی یەک بەهمەن عەبدوڵڵا وتەبێژی بەڕێوەبەرایەتی هاتوچۆی پارێزگای سلێمانی بە خەندانی ڕاگەیاند: بەپێی ئاماری بەڕێوەبەرایەتیمان، لە هەشت مانگی ڕابردوودا 54 کاسبکار بە ڕووداوی هاتوچۆ گیانیان لەدەستداوە کە زۆرترین توێژن بەتایبەتیش لەمانگی حوزەیراندا کە 14 کاسبکار گیانیان لەدەستداوە.
مولازم بەهمەن وتی: "جگە لەخەڵکانی کاسبکار، لای ئێمە شۆفێرانی تەکسی و بارهەڵگریش هەر بەکاسبکار هەژمار دەکرێن، جگە لەوەش زۆربەی ئه و کەسانەی ڕوو لەکاروباری فەرمانگەکان دەکەن خۆیان بەکاسبکار دەناسێنن".
وتیشی: "دوای ئەوانیش خوێندکاران دێن کە لە هەشت مانگدا 12 خوێندکار گیانیان لەدەست داوە و پاشانیش منداڵان بە پلەی سێیەم دێن کە 13 منداڵ بوون".
بەپێی ئامارەکەی هاتوچۆی سلێمانی، کەمترین ئه و توێژانەی له و ماوەیەدا بەڕوداوی هاتوچۆ گیانیان لەدەستداوە (پزیشک و پارێزەر و ئاسایش و پاسەوان)ن کە لە هەر توێژێک تەنها کەسێک گیانی لەدەستداوە.
- 19-09-2014
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 6,186 keer bekeken
Schrijf uw commentaar over dit item!