وەزارەتی سامانە سروشتییەکانی حکومەتی هەرێمی کوردستان بڕی هەناردەی نەوتی هەرێمی لە مانگی تەمموزی ڕابردوودا ڕاگەیاند، به و جۆرەش لە مانگی تەمموزدا کۆی نەوتی هەناردەکراوی هەرێم 16 ملیۆن و 19 هەزار و 90 بەرمیل نەوت بووە.
بە گوێرەی ڕاگەیەندراوێکی وەزارەتی سامانە سروشتییەکانی حکومەتی هەرێم، کە وێنەیەکی دەست خەندان کەوتووە، تیایدا هاتووە: حکومەتی هەرێمی کوردستان لە مانگی ڕابردوودا 16 ملیۆن و 19 هەزار و 90 بەرمیل نەوتی هەناردەکردووە.
هەروەک هاتووە: له و بڕە نەوتە 12 ملیۆن و 20 هەزار و 683 بەرمیلی نەوتی کێڵگەکانی هەرێم بووە و سێ ملیۆن و 988 هەزار و 407 بەرمیلیش لە نەوتی کەرکووکی هەناردە کردووە.
لەبارەی ئه و بڕە نەوتەی هەرێم ڕادەستی سۆمۆی کردووە، هاتووە، حکومەتی هەرێم دوو ملیۆن و 201 هەزار و 540 بەرمیل نەوتی ڕادەستی کۆمپانیای سۆمۆ کردووە.
لەگەڵ ڕاگەیاندنی بڕی هەناردە کردنی نەوت، بەڵام وەزارەتی سامانە سروشتییەکان نرخی یەک بەرمیل نەوت، کۆی داهاتی فرۆشراوی نەوتی هەرێمی بۆ مانگی تەمموز بڵاونەکردووەتەوە.
هەر بەگوێرەی ڕاگەیەندراوەکە: لە مانگی ڕابردوودا 111 کاتژمێر هەناردەی نەوتی هەرێم وستاوە، کە زۆربەی ئه و کاتە کەوتووەتە کۆتایی مانگی تەمموزەوە.
- 05-08-2015
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,430 keer bekeken
Schrijf uw commentaar over dit item!