ئەندامێکی پەرلەمانی کوردستان لە فراکسیۆنی یەکێتیی نیشتیمانیی کوردستان ڕایدەگەیەنێت، تائێستا پێنج هەزار خۆبەخش ناویان بۆ چوونە ناو ڕیزەکانی هێزی پێشمەرگەی کوردستان تۆمار کردووە.
قادر ڕەزگەیی، ئەندامی پەرلەمانی کوردستان لە فراکسیۆنی یەکێتیی نیشتیمانیی کوردستان بە خەندانی ڕاگەیاند: "تائێستا پێنج هەزار خۆبەخش ناویان بۆ چوونە ناو ڕیزەکانی هێزی پێشمەرگەی کوردستان تۆمار کردووە، لە سەرەتای بیرۆکەی دروستکردنی ئه و لیوایانەوە ئەمریکیەکان بەڵێنی ئەوەیانداوە کە ڕاهێنان بە خۆبەخشەکان بکەن و پڕچەکیشیان بکەن".
وتیشی: "وابڕیارە سێ لیوا دروست بکرێت، هەر لیوایە و سێ هەزار پێشمەرگە لەخۆی بگرێت، بەڵام بەهۆی کەمی خۆبەخشەوە وەزارەتی پێشمەرگە دەیەوێت لەئێستادا تەنیا یەک لیوا ڕاهێنانیان پێبکرێت".
ئه و پەرلەمانتارە کە هاوکارت ئەندامی لیژنەی کاروباری پێشمەرگە و شەهیدان و قوربانیانی جینۆساید و زیندانیانی سیاسییە لە پەرلەمانی کوردستان ڕوونیکردەوە: "هۆکاری کەمی پەیوەندیکردنی خۆبەخشەکان بە ڕیزەکانی
پێشمەرگەی کوردستانەوە بۆ ئەوە دەگەڕێتەوە، کە تەنیا لە سەنتەری شارەکاندا ناو تۆمار دەکرێت، لەئێستاشدا وەزارەتی پێشمەرگە بڕیاریداوە لە ناو قەزاو ناحیە و شارو شارۆچکەکانیش بنکەی ناونووسین بکرێتەوە".
- 08-09-2015
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 9,493 keer bekeken
Schrijf uw commentaar over dit item!