دواڕۆژ، محەمەد عەلی وەلی
وەزیری کۆچ و کۆچبەرانی عێراق ئاشکرایکرد، ژمارەی ئاوارەکانی پرۆسەی ئازادکردنی موسڵ گەیشتوونەتە زیاتر لە (50) هەزار کەس.
وەزیری کۆچی عێراق لە کۆنگرەیەکی ڕۆژنامەوانیدا لەگەڵ لیزا گراندی ڕێکخەری نەتەوەیەکگرتووەکان بۆ کاروباری ئاوارەکان لە عێراق ئەمڕۆ دووشەممە 14ی تشرینی دووەمی 2016 ئاشکرایکرد، بەپێی داکانی وەزارەت تا ئێستا زیاتر لە (50) هەزار کەس لە سەرەتای ئۆپەراسیۆنی ئازادکردنی موسڵەوە، لەو پارێزگایەو دەوروبەریەوە ئاوارە بوون، 75%ی ئەو ئاوارانەش لە کامپی خازر و زەلیکاندان.
وتیشی "وەزارەت توانای لەخۆگرتنی (100) هەزار ئاوارەی هەیە، لەگەڵ دابینکردنی پێداویستی فریاگوزاری خێرا بۆیان".
باسی لەوەشکرد، ڕێژەی ڕۆژانەی ئاوارەبوونی هاوڵاتیان بریتی بووە لە (1853) لە هەموو میحوەرە سەربازییەکانەوە و ڕێوشوێنەکانی وەزارەت و لیژنەی باڵای فریاگوزاری و لەخۆگرتنی ئاوارەکان، پرۆسەی دەرکردن و گواستنەوەی ئاوارەکانی زۆرباشە، ئەمەش لە ڕیگەی هەماهەنگی لەگەڵ لایەنە ئەمنی و سەربازییەکانەوە.
- 15-11-2016
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,902 keer bekeken
Schrijf uw commentaar over dit item!