عەشیرەتی مەموند یان (مەموندی)، یەکێک لە عەشیرەتە دێرینەکانی کوردستانە، سەرجەلەیان بۆ میرەکانی دەوڵەتی مەروانی دەگەڕێتەوە، لەو بارەیەوە ڕێکار ئەحمەد کتێبێکی بەناوی (مەموندی و بۆچوونەکانی سەبارەت بە پەیدابوونی) نووسیوەو ساڵی 2011 لە باشووری کوردستان چاپ و بڵاوکراوەتەوە. لەم کتێبەدا بەوردی ئاماژە بە بنچینەو تیرەکانی عەشیرەتی مەموندی دراوە تیرەکانی عەشیرەتی مەموندی بریتین لە:
1/ مەموندە ڕەشکە
2/گەنجانی
3/کەور زەرد
4/قورەیشی
5/قڕان
6/شێخ مەموندی
7/مامڕەشان
8/هیزانی
9/مەلازادە
10/دزگر
11/مەمانی
12/نانبدەر
13/پیرخدری
14/مام غەزایی
جێی ئاماژەیە کە عەشیرەتی مەموندی سەرەتا لە نێو قەڵای هەولێرو گوندی کورتەکی نزیک هەولێر نیشتەجێبوون، دواتر کە زۆربوون و فراوانتربوون بەرەو گوندەکانی دەشتی هەولێر ڕۆیشتن کە ئەوکات چۆلەوانی بوو، تێیدا جێواربوون، بەڵام هەندێک لە بنەماڵەکان کە خەریکی ئاژەڵداری بوون، بۆ لەوەڕاندنی مەڕوماڵاتەکانیان هاوینان ڕوویان لە باکووری هەولێر دەکرد و بەرەو چیای سپیلک دەڕۆیشتن، سەرەنجام هەندێکیان لە گوندی شێخ مەموندیان کە دەکەوێتە نزیک هەریر جێواربوون.
دەکرێ بگوترێ کە بنەماڵەکانی عەشیرەتی مەموندی لە هەرگوندەکانی چوار دەورەی شاری هەولێر جێوارن.
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,254 keer bekeken
Schrijf uw commentaar over dit item!