-ئەنجومەنی پارێزگای #سلێمانی# لەکۆبونەوەی ئەمڕۆ 18ی تەموزی 2017، پێشنیازی لامەرکەزی ئیداریی پەسەندکرد و بڕیارە دوای جارێکی دیکە داڕشتنەوەی، بۆ #ئەنجومەنی وەزیران# ڕەوانە دەکرێت.
-ئەمڕۆ سێشەممە ئەنجومەنی پارێزگای سلێمانی کۆبونەوەی ژمارە 37ی بەڕێوەبردو تێیدا سەرباری بەخشینی فەرهاد تۆفیق، دەستبەکاربونی نوێنەری حزبی شیوعی لەشوێنەکەی، هاوکات پێشنیازی لامەرکەزی ئیداریشی پەسەندکرد.[1]
-لە ڕووداوێکی هاتووچۆدا لە گوندی #بەلەوە#ی نێوان هەردوو شارەدێی #سەرقەڵا# و #زینانە#، ژن و مێردێک گیانیان لەدەستدا، کە خەڵکی شارۆچکەی #قانەقین#ن، بەناوەکانی (موزەفەر ئیبراهیم تاهیر لەدایکبووی 1957، نافیعە سەفەر سادق لەدایکبووی 1966).[2]
-کەوتنەوەی ئاگرێک لە شارۆچکەی #دوکان#، قائیمقامی قەزای دوکان لەبارەی کەوتنەوەی ئاگرێک لەنێوان دوکانی سەرو و خوارودا زانیاری نوێ ئاشکرادەکات و دەڵێت: تیمەکانی بەرگری شارستانی بەردەوامن لەکۆنتڕۆڵکردنی ئاگرەکە و لەئێستادا مەترسی گەورە نەماوە.
-#سەرکەوت ئەحمەد# وتەبێژی پۆلیسی سلێمانی بەSNNی ڕاگەیاند:دوانیوەڕۆی ئەمڕۆ 18ی تەمموز، لە شاری سلێمانی لە نزیک مزگەوتی سەیوانی دووەم، لە ئۆتۆمبیلێکەوە تەقە لەگەنجێک کراوە و دوای گەیاندنی بۆ نەخۆشخانە گیانی لەدەستداوە.
وتیشی: گەنجە کوژراوەکە لەو شەقامەدا خۆی لەناو ئۆتۆمبیلێکی جۆری(BMW)دابووە و لەلایەن کەسێکی دیکەوە لەناو ئۆتۆمبیلێکی دیکەوە تەقەی لێکراوە و تەقەکەرەکەش هەڵهاتووە.[3]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 8,085 keer bekeken
Schrijf uw commentaar over dit item!