دواڕۆژ، ئاکۆ حەمەد ڕابی
بەرپرسێکی پەروەردە ڕایدەگەیەنێت، داوای دامەزراندنی حەوت هەزار مامۆستای گرێبەست کراوە، بەڵام تائێستا حکومەت وەڵامی داواکارییەکەی نەداوەتەوە.
عەزیز سەعید مەلا، بەڕێوەبەری پەروەردەی سۆران ئەمڕۆ پێنجشەممە 20ی تەمموزی 2017 لە لێدوانێکدا بە دواڕۆژی ڕاگەیاند، پەروەردەی شار و ناوچەکان بەپێی پێویستی قوتابخانەکانی داوای مامۆستای نوێی کردوە، لەو چوارچێوەیەشدا لەلایەن وەزارەتی پەروەردەوە داوا لە ئەنجومەنی وەزیران کراوە حەوت هەزار مامۆستا بەشێوەی گرێبەست دابمەزرێن.
وتیشی وەزارەتی پەروەردە پێویستی بە مامۆستای نوێ هەیە و ئەگەر ئەو ژمارەیە یان نیوەی دابمەزرێن هیچ پەروەردەیەک پێویستی بە مامۆستای وانەبێژ نامێنێت.
عەزیز سەعید ئاماژەی بەوەشدا، تائێستا حکومەت وەڵامی ئەو داواکارییەی نەداوەتەوە، بەڵام پێدەچێت بەمزوانە بە ڕەزامەند بوون و نەبوون و وەڵامی پەروەردە بدرێتەوە.
بەڕێوەبەری پەروەردەی سۆران ئاماژەی بەوەشدا، داواشیانکردوە ئەو مامۆستایانەی سێ ساڵ بەسەر گرێبەستەکەیان تێپەڕیووە بکرێنە هەمیشەیی و بەڕەسمی دابمەزرێنرێن، بۆ جێبەجێکردنی ئەو داواکارییەش چاوەڕوانی وەڵامی ئەنجومەنی وەزیران دەکەین.
20-07-2017
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,293 keer bekeken
Schrijf uw commentaar over dit item!