بۆ خانمی پێشمەرگە کۆچەر ساڵح حاجی،
سڵاو و ڕێز..
رێزلێنان و خەڵاتکردنتان وەک قارەمانێکی هەڵمەتی جیهانیی دژ بە هزری تووندڕەوی و نالێبوردەیی لەلایەن یونیسکۆ و هاوپەیمانیی جیهانیی هیواوەوە، مایەی خۆشحاڵی و شانازییە. بە گەرمی پیرۆزباییتان لێدەکەم، لەڕێگەی ئێوەشەوە پیرۆزبایی لە هاوسەنگەرانتان لە کچانی دیکەی پێشمەرگە و هەموو ئه و دایک و خوشکانەی کوردستان دەکەم کە لە خەبات و تێکۆشانی گەلی کوردستاندا ڕەنجیان کێشاوە و قوربانییان داوە.
ئێوە بە خەبات و تێکۆشانتان وەک پێشمەرگەیەکی قارەمان کە بەشداریتان لە شەڕی دژی داعشدا کردووە و بەرگریتان له خاک و گەل و کولتووری خەڵکی کوردستان لە پێکەوەژیان و لێبوردەیی کردووە، بوونەتە نموونەیەکی شانازی بۆ ئافرەتانی کوردستان و هەموو ئه و دایک و خوشکانەمان کە باوک و برا و کوڕ و مێردەکانیان لەپێناو ئازادیی کوردستان و بەها مرۆییەکاندا بوونە قوربانی.
ئه و خەڵاتەی لە پێگەیەکی جیهانیدا و بە ئامادەبوونی ژمارەیەکی دیاری کەسایەتیی جیهانی، بە خۆتان و خەبات و پێشمەرگایەتیتان بەخشرا، خەڵات و ڕێزگرتن و پێزانینێکە بۆ ئازایەتیی هەموو ئه و دایک و خوشکە ئازیزانەی کورستان کە لە هەر بوارێکدا بۆ ئازادی و بەدەستهێنانی مافەکانیان و ڕووبەڕووبوونەوەی توندوتیژی و تیرۆر و بۆ بەها مرۆییەکان تێدەکۆشن و هەموومان شانازی پێوە دەکەین.
دووبارە پیرۆزباییتان لێدەکەم و هیوای سەرکەوتنتان بۆ دەخوازم.
#نێچیرڤان بارزانی#،
سەرۆکوەزیرانی هەرێمی کوردستان
19-09-2017
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 5,115 keer bekeken
Schrijf uw commentaar over dit item!