بەداخ و کەسەرێکی یەکجار زۆرەوە، هەواڵی کۆچی دوایی مامۆستا و هاوڕێی خەبات جەنابی سەرۆک #مام جەلال#-م پێگەیشت.
بەم هەواڵە دڵتەزێنە ناخم هەژا و خەسارەتێکی گەورە بەر میللەتەکەمان و پرۆسەی دیموکراتیزەکردنی کۆمەڵی کوردەواری و گەلانی عێراق کەوت.
جەنابی مام جەلال، لە سەرەتای ساڵی 1968ەوە وەک برایەکی دڵسۆز و پیشتیوانێکی گەورە و لەهەموو قۆناغەکانی ژیان و خەباتمدا پاڵپشت و ڕێنوێنم بووه و لەهەموو وێستگە و بۆنەکاندا بە ڕابەر و مامۆستای خۆمم زانیوه و لەتوانا و لێوەشاوەییە زۆر تایبەتەکانی سوودمەند بووم و بێبەشی نەکردووم.
مەرگی ئەم سیمبولی دیموکراتی و پارێزەرە خەباتکار و تێکۆشەرە، کارەساتێکی هێندە گەورەیە کە تەواوی خەڵکی کوردستان و ئازادیخوازانی عێراق و ناوچەکە و جیهانیشی تاساندووە، چونکە ئاسەواری بیری تیژ و کار و پرۆژە و بەرنامەکانی ئەم زاتە، بە هەموو بوارە باڵاکانی ژیانی سیاسی و ڕوناکبیری و مافپەروەری و کۆمەڵایەتی و سەرجەم کایەکانی دیکەوە دیار و درەوشاوەیە.
ماڵئاوا ڕابەر و مامۆستا و پارێزەری دیموکراتی
ماڵئاوا خۆشەویست و جێمتمانەی هەموو چین و توێژەکانی کوردستان و عێراق بە هەموو پێکهاتەکانیانەوە.. بە هەموو یار و نەیارەوە... ماڵئاوا.
#فاروق مەلا مستەفا#
03-10-2017
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,683 keer bekeken
Schrijf uw commentaar over dit item!