حکوومەتی هەرێمی کوردستان لە چوارچێوەی یاسا و ڕێنماییەکاندا بڕوای تەواوی بە ئازادیی خۆپێشاندان و دەربڕینی ناڕەزایی و هەموو چالاکییەکی مەدەنیی ڕێگەپێدراو هەیە، بەڵام بەهیچ شێوەیەک قبووڵ ناکرێت خراپەکاری بەرامبەر بە نێردە دیپلۆماسییەکان و شوێن و ئۆفیسەکانیان لە هەرێمی کوردستان بکرێت و هەموو ڕێکارێکی یاسایی بەرامبەر بە هەر کارێکی نابەجێی بەو شێوەیە دەگیرێتەبەر.
لەم ڕوانگەیەوە بە توندی سەرکۆنەی هەوڵی تێکدەرانەی ڕۆژانی ڕابردووی چەند کەسێک بەرامبەر کونسوڵخانەی کۆماری ئیسلامی ئێران لە هەولێر و هەوڵی بێڕێزیکردن بەرامبەر بە ئاڵاکەیان دەکەین و کردەوەیەکی ئاوا بەرامبەر ئاڵای هیچ وڵاتێک لە هەرێمی کوردستان مایەی قبووڵکردن نییە، دووپاتیشی دەکەینەوە کە ئەو کردەوانە کردەوەی تاکەکەسین و و دەزگاکانمان هەموو ڕێکارێکی یاسایی بەرامبەریان دەگرێتەبەر.
#وەزارەتی ناوخۆ#ی حکوومەتی هەرێمی کوردستان
22-10-2017
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 5,046 keer bekeken