جێگری سەرکۆماری عێراق، نوری مالکی، لە چاوپێکەوتنی تەلەفزیۆنی کەناڵی دیجلە، باس لە ووتوێژیکی ساڵی 2006 دەکات لەگەڵ دکتۆر بەرهەم. کە سەبارەت بەقاچاخبردنی نەوت لەکێڵگەی (#نەفتخانە#) لەخوارووی خانەقی بووە.
ئەو دیدارەی دکتۆر بەرهەم و نوری مالیکی کە بۆ زیاتر لە 10 ساڵ لەمەوبەر دەگەڕێتەوە، بەداخەوە هەندێک میدیای جێی گومانیش دەیانەوێت وانیشان بدەن، کە مێژووی ئەو گفتوگۆیە هاوکاتی مێژووی دوای ڕیفراندۆم و لەدەستدانی ناوچە کوردستانیەکانی دەرەوەی هەرێمە وەک ئەوەی بیانەوێت پەردەپۆشی شکستەگەورە و نوێکانیان بە لێڵکردنی ڕاستیيەکانی ئەو دیدارە کۆنەوە بکەن.
لێرەدا دەمانەوێت،بۆ بەرگرتن لە چەواشەکاری، ڕونی بکەینەوە، کە ڕاستیەکەی ئەوەیە ئەم بابەتە، دەگەڕێتەوە بۆ سالێ 2006. لەو دیدارەدا د بەرهەم وتویەتی (ئەو بەقاچاخبردنە تەنها کاری یەک لایەن نیە، وەکو مالکی جەختی دەکردەوە، کە ئەو کارە تەنها پارتی بێت، چونکە ئەوکاتەش دکتۆر بەرهەم وتویەتی: ئەم کاری بەقاچاخبردنی نەوتە لایەنی سەر بەپارتی و سەر بەیەکێتیشی تیادا بەشدارە. هەربۆیەش دوای ئەو گفتوگۆیە نوری مالکی و دکتۆر بەرهەم، ڕاستەوخۆ سەردانی جەنابی مام جەلال دەکەن بۆ ڕێگری لەو بەقاچاخبردنە، کە بەپێی زانیاری و وێنەی مانگە دەستکردەکان، کاروانی تانکەرەکان دەگەیشتنە ئەففانستان و ناوەڕاستی ئاسیا.
لێرەشدا دووپاتی دەکەینەوە بەهیچ جۆرێک باسی جوڵانی هێز نەکراوە، هەوڵدراوە لە ڕێگەی جەنابی مامجەلالەوە بەربەستی ئەو کارە بکرێت. بۆیە بەگرنگی دەزانین دووپاتی بکەینەوە ئەوکات و ئیستاش لای دکتۆر بەرهەم تاڵانی نەوت و گەندەڵی و بەهەدەردانی سامانی وڵات، کاری تاک لایەن نەبووەو نییە، بەڵکە کاری هاوبەشی تۆڕێکی مشەخۆرە کە یاری بەموقەدەراتی گەل دەکات، بەرژەوەندیەکانیان لەسەر کۆمپانیای هاوبەش و برابەشی و تاڵانی وڵات بنیاتنراوە، کە سنوورەکانی حیزب و ناوچە و مەزهەب و نەتەوەشی تێپەڕاندوە و ئەم نیشتمانەیان بەم ڕۆژگارە ناخۆشە گەیاندووە.
نوسینگەی ڕۆژنامەوانی د. #بەرهەم ساڵح#
31-10-2017
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,539 keer bekeken
Schrijf uw commentaar over dit item!