قەڵای ئازادیی و پارێزەرو مافپەروەرو دیپلۆمات و سەرۆک و نووسەرو ڕۆژنامەنووسی گەورەی کورد #مام جەلال#.. ئەمڕۆ 3/10/2017 لە بەرلینی پایتەختی وڵاتی ئەڵمانیا کۆچی دوایی کرد..
مام جەلال دارێژەری سیاسەتی ئاشتی و برایەتی و ئازادی وتن و ئازادی ڕەخنە، دارێژەری بیرۆکەی نان و ئازادی بۆ نووسەرو ڕۆژنامەنووسان، مامی هەموو ڕۆژنامەنووسان بوو، چادرو پارێزەری مافەکانی قەڵەم بەدەستەکان بوو.. بەرۆشتنی مام جەلال میدیای کوردی و ڕۆژنامەنووسانی کوردستان کۆڵەکەیەکی گەورەو پشت و پەنایەکی لەبن نەهاتوویان لەدەست دا.. مام جەلال هاوشانی جەواهیری لە عیراقەوە لەساڵی 1959 دا سەندیکای ڕۆژنامەنووسانی عیراق یان دامەزراند و جەواهیری بە سەرۆک و مام جەلال بە جێگر هەڵبژێرا..
لەوساتەوە ئەم کەڵە پیاوە سەرکردەیە بەردەوام بەرگریکاری سەرسەخت و پارێزەری مافەکانی ئێمەی ڕۆژنامەنووسان بوە، سیاسەتی وشە بەرامبەر بە وشەی کردە بیرۆکەی خۆیی و حزبەکەی، ڕێزگرتن و خۆشویستنی مام جەلال بۆ ڕۆژنامەنووسان بووە نەریتێک کە دەبوایە هەموو سەرکردەکانی کورد چاوی لێ بکەن و لاسایی بکەنەوە..
بۆ مەرگی مام جەلال ئەندامی #سەندیکای ڕۆژنامەنووسانی کوردستان# و ئەندامی فەخری و جێی شانازیمان.. پرسەو سەرەخۆشی ئاڕاستەی خۆمان و سەرجەم ڕۆژنامەنووسانی کوردستان و ئازادیخوازانی جیهان دەکەین بۆ کۆچی دوایی ئەم قوببەیەی لەژێر سێبەریدا دەمانتوانی بحەسێینەوە، بەڵام سەد حەیف بۆ کۆچی دوایی شێری قەڵەم و بەوری ئازادیی..
لقی سلێمانی
سەندیکای ڕۆژنامەنووسانی کوردستان
03-10-2017
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,629 keer bekeken
Schrijf uw commentaar over dit item!