بەڕێوەبەری گشتی دیوان لە #وەزارەتی تەندروستی# حکومەتی هەرێمی کوردستان ڕایدەگەیێنێت پرۆسەی یەکخستنی نرخی دەرمان لەبواری جێبەجێکردندایە و تاوەکو ئێستا نرخی بەشێکی زۆری دەرمانەکان ڕێک و یەکخراوە.
د. خاڵس قادر، بەڕێوەبەری گشتی دیوانی وەزارەتی تەندروستی دەڵێت لە کوردستان زیاتر لە 8000 جۆری دەرمان هەن و لەماوەی شەش مانگی داهاتوو پرۆسەکە کۆتایی دێت.
بەڕێوەبەری گشتی دیوانی وەزارەتی تەندروستی ئاشکرایدەکات تاوەکو ئێستا بەشێک لە کۆمپانیاکانی دەرمان، کۆگاکانی دەرمان و دەرمانخانەکان پابەندی یەکخستنی نرخی دەرمان نەبوون، بەڵام دەڵێت هەر کۆمپانیایەک سەرپێچی بکات سزا دەدرێت و چەند کۆمپانیایەک مۆڵەتی کارکردنیان لێوەرگیراوەتەوە.
لە هەرێمی کوردستان 800 دەرمانخانە هەن، لەو ژمارەیەش 450 یان لە هەولێر، 250 لە سلێمانی و 100 دەرمانخانەشیان لە دهۆکن، بەهۆی پابەندنەبوون بە نرخەکانی وەزارەتی تەندروستیش ئەمساڵ زیاتر لە 30 دەرمانخانە و کۆمپانیایی هاوردەکردنی دەرمان داخراون.[1]
#23-12-2017#
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,207 keer bekeken
Schrijf uw commentaar over dit item!