#وەزارەتی خوێندنی باڵا# و توێژینەوەی زانستیی خەرجکردنی بڕی 947 هەزار و 827 دۆلاری ئەمریکی وەک شایستەی دارایی بۆ خوێندکارانی بەرنامەی تواناسازی ڕاگەیاند کە ئێستا بەردەوامن لە خوێندن.
عەباس ئەکرەم، گوتەبێژی وەزارەتی خوێندنی باڵا و توێژینەوەی زانستیی حکومەتی هەرێمی کوردستان لە ڕاگەیێندراوێکدا ڕایگەیاند، دوای ئەوەی ڕەزامەندی لەسەر خەرجکردنی بڕی (30) ملیۆن دۆلار بۆ خوێندکارانی تواناسازی درا، لیژنەی دابەشکردنی شایستە داراییەکانی خوێندکارانی بەرنامەی تواناسازی بڕیاری دا شایستەی دارایی ليستی یەکەمی ساڵی 2018ی خوێندکارانی بەرنامەی تواناسازی خەرج بکات.
گوتەبێژی وەزارەتی خوێندنی باڵا و توێژینەوەی زانستی ڕوونیکردووەتەوە: بڕی پارەی ليستی يەکەمی شایستەی دارایی خوێندکارانی بەرنامەی تواناسازی لە ساڵی 2018 دا بریتییە لە 947 هەزار و 827 دۆلاری ئەمریکی، تێیدا 40 خوێندکاری بەرنامەی تواناسازی لە هەریەک لە زانکۆکانی جيهان سوودمەند دەبن کە بەردەوامن لە خوێندن.
وەزارەتی خوێندنی باڵا و توێژینەوەی زانستی سەرجەم سوودمەندبووانی بەرنامەی تواناسازی ئاگاداردەکاتەوە کە ناویان لە لیستی ژمارە (1)ی ساڵی 2018دا هاتووە، خۆیان یان بریکارەکانیان سەردانی ژووری ژمارە (56) لە دیوانی وەزارەتی خوێندنی باڵا و توێژینەوەی زانستی بکەن بۆ وەرگرتنی چەکی خەرجکردنی شایستە داراییەکانیان.[1]
#14-01-2018#
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,828 keer bekeken
Schrijf uw commentaar over dit item!