هەریەکە لە ئەنجومەنی هەرێمی ڕاپەڕینی #تەڤگەری ئازادیی# و ژمارەیەک لە چالاکوانانی شارۆچکەی #ڕانیە#، لە دوو کەمپەینی جیادا، بڕی 8 تۆن دەرمان و پێداویستی پزیشکییان بۆ #عەفرین# کۆکردەوە.
ئێوارەی ئەمڕۆ، ئەنجامی هەر یەکە لە کەمپەینی هەتوانی عەفرین و تەڤگەری ئازادیی بۆ کۆکردنەوەی کۆمەک و هاوکاریی بۆ عەفرین، لە شارۆچکەی ڕانیەی ناوەندی ئیدارەی ڕاپەڕین، ڕاگەیەندرا.
لە کۆنگرەیەکی ڕۆژنامەنووسیدا، #ئەسعەد شاوری#، یەکێک لە ڕێکخەرانی کەمپەینی هەتوانی عەفرین، لە کۆنگرەیەکی ڕۆژنامەنووسییدا لە سەنتەری گەنجانی ڕانیە، ڕایگەیاند: بە هاوکاری خەڵکی سنوری ڕاپەرین و چەند دەرمانخانەیەک، بڕی 7 تەن کەلوپەلی پزیشکیی کۆکراوەتەوە، هەر چەندە شتێکی کەمە بۆ بەرخۆدانی عەفرین، بەڵام ئەوەی لێرەوە لە توانای ئێمەدا هەیە لە ماوەیەکی کەمدا توانیمان ئەو بڕە هاوکارییە کۆبکەینەوە.
هەروەها، #سەلام عەبدوڵڵا#، ئەندامی ئەنجومەنی هەرێمی ڕاپەڕینی تەڤگەری ئازادیی، لە لێدوانێکی ڕۆژنامەنووسییدا لەبەردەم بارەگای تەڤگەری ئازادیی لە ڕانیە، ڕایگەیاند: لەمیانەی کەمپەینێکی 4 ڕۆژەدا بۆ عەفرین، کە بەسەر دەرمانخانەکاندا دەگەڕاین و داوای هاوکاریمان لێ دەکردن، توانیمان بڕی یەک تۆن دەرمان و پێداویسیی پزیشکیی کۆبکەینەوە. بۆ گەیاندنی هاوکارییەکان بە عەفرین، هاوکارییەکانی کەمپەینی هەتوانی عەفرین و تەڤگەری ئازادییش ڕادەستی مانگی سووری کورد کران.
-ماڵپەڕی ڕۆژنیوز: #05-03-2018#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,839 keer bekeken
Schrijf uw commentaar over dit item!