هەرچەندە ساڵانە بڕێکی زۆر گەنم لە دەشتی شارەزوور بەرهەمدەهێنرێت و حکومەتی عێراقی ئامادە نییە هەموو ئەو گەنمە لە جوتیاران وەربگرێت، بەڵام ماوەی دوو ڕۆژە وەزارەتی بازرگانی عێراقی دەستی کردووە بەناردنی گەنم بۆ هەریەکە لە سایلۆکانی سەیدسادق و پیرەمەگرون کە لە وڵاتانی ئوسترالیا و ئەمەریکای کڕیوە.
بە گوێرەی ئەو زانیارییانەی کە لە سایلۆی سەیدسادقەوە دەستی دواڕۆژ کەوتووە، ماوەی دوو ڕۆژە حکومەتی عێراقی لەڕێگەی وەزارەتی بازرگانییەوە دەستیکردووە بە ناردنی گەنمی ئوسترالی بۆ سایلۆی سەیدسادق و گەنمی ئەمریکی بۆ سایلۆی پیرەمەگرون، ئەوەش بە بیانووی ئەوەی کە گەنمی پێویست لەو دوو سایلۆیەدا نییە بکرێتە ئارد و بەسەر هاوڵاتیاندا دابەشبکرێت.
ئەوەش زانراوە، کە حکومەتی عێراق بڕی 12 هەزار تۆن گەنم هەناردەی سایلۆکانی سەیدسادق و پیرەمەگرون دەکات بەجۆرێک بۆ سایلۆی سەیدسادق بڕی چوار هەزار تۆن و بۆ سایلۆی پیرەمەگرونیش بڕی هەشت هەزار تۆن دەنێرێت، کە هەریەک تۆن گەنم بە بڕی 270 دۆلار کڕدراوە.
دواڕۆژ ئەوەشی زانیوە کە لەئێستادا کۆی گشتی ئەو پارەیەی بۆ ساڵانی 2014 و 2015 و 2016 لای حکومەتی عیراقی ماوەتەوە، نەدراوە بەو جوتیارانەی کە گەنمیان ڕادەستی سایلۆی سەیدسادق کردووە بڕی 30 ملیار دینارە و تا ئێستا هیچ وادەیەک دیاری نەکراوە بۆ دابەشکردنی ئەو پارەیەی گەنمی جوتیاران.[1]
#06-04-2018#
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,374 keer bekeken
Schrijf uw commentaar over dit item!