Di serî de em sipasîya perlemanê Ewropayê dikin, ji bo rexsandina derfeta encamdana konferansê, herweha sipasê Kongreya Neteweyî ya Kurdistan û Înstîtûya kurdî ya li brokselê ji bo hevkarîyên wana.
Sêyemîn konferanês kurdên feylî di demekî de hat kirin ku rojhelata navîn ûÎraq di rewşeke alozî guherînên mezin de derbaz dibe. Di navbera konferansa duyemîn û ev ya sêyemîn da gelekî buyer û rudaw û guherînên mezin çêbûn, ya herî girîng dawîînana dewleta Îslamî ya DAÎŞ ê bû, peywendiyên nêva dewleta navend ya Îraq û rêveberiya herêma Kurdistanê – başûr û herweha xwe amadekirin û encamdana helbijatinên perlemanî yên Îraqê.
Serbarê hidê ku ev guherînên han erênî bûn bi giştî, lê belê rewşa ewlehîyê bi temametî berqerar ne bûye û tirseke mezin li ser pêkhateyên biçûk, ji wan kurdên feylî heye. Heta niha kurdên Bexda û bajarên din yên Îraqê û deverên kurde feylî lê bine cih, weke Xaneqîn, Mendelî , Bedre û Kût rûbirûyê gef û tundutîjî û karên terorî dibin. Ew navçe ji alî siyasî û werar û geşepêdanê de hatîne piştguhxistin, bi corekî ku binaxeya dîrokî ya deverê rubirûyê asemîleyê bûye û winda kirin e. Ji xizmetkarîyê mehrûm in û bê beş in. Herwesa gazincên wan jî nayên guhdarîkirin. Projeya siyasî û hizrî û geşepêdanê yên ku ji alî xelkê wê ve tên kirin rênaden bigehêjin her du navendên biryarê – bexda û hewlêr ê.
Li hember van tehedayan em tegez li ser van xalên li jêr dike:
Yek. Tekez li ser cîbicîkirina naverok û daxwaziyên her du konferansê bûrî. Herweha pêdagîrî li ser pêdaçûna wan û cîbicîkirina wana.
Du: tekez li ser proseya demokratî, guherîna civakî û bi hevre jiyankirin, aborî siyasî û yasayî- qanûnî ji avakirina civakeke yeksan û hevwelatîbûn û çespandina çanda pêkvejiyanê danpênana siyasî û civakî ya maf û hiqûqên hemû pêkhateyên cuda û desteberkirina pêdivîyên werar û pêşkeftinan li ser binemayên aşîtî û beşdarbûna aktîvane di hemû biyavan de.
Sê: Jin weke girîngtirîn sitûna binaxeya civakî, pêwîstî bi zemîneya ferhengî û siyasî heyeji bo desteberkirina beşdarîya wekhevîyê di nav tev kar û leyztinên civakî û çalakîyên siyasî û aborî û jiyana civakî de.
Çar: pêwîste hevkarîya cewan û zarokan bête kirin, heta bikaribin dîd û nêrînên paşeroja xwe ya dûr ji tundûtîjî û twan û sûç û goşegîrîyê misoger bikin.
Pênc: daxwaz ji yekîtiya Ewropa yê dikin ku ji alî madî û piştgîriya me´newî hevkar bin ji bo bidestveanîna van armancên li jêr:-
1. Rê li ber civaka kurdên feylî li bexda û bajarên din yên Îraqê be vekirn ku cografiyaya kurdên feylî bête ava kirin. Bi damezirandina xweseriyê di çarçoveya sîstemeke lamerkezî ( xweserî ) ji bo ber bipêşbirina civak û geşepêdanê. Herweha çêkirin û damezirandina hêza xwe parastinê.
2. Berqerar bûna aşitîyê bi corekî ku bikarê biyav bide ji bo pêşvebirina ezmûna pêkvejiyanê, da ku rolekî mezin li dirustkirina berbestekê li hember pêkdadanên li bakûr, başûr, rojhela û rojavayê Kurdistanê bête pêkanîn.
3. Daxwaz li hikumeta fedral û hikumeta herêma Kurdistanê bête kirin ku aktîvane ji bo bojandin û avedankirina deverên Kurdê feylî biken. Budceyeke taybet ji alî hikumeta navendî û ya herêmê ve bête mezaxtin.
4. Giringîdan bi jêrxanê aborî yê devera kurdên feylî û avakirina saziyên perwerdeyî û tendirustîyê. Herweha dabînkirina ava avdêrîyê û damezrandina projektên mezin û bişûk ji bo geşepêdana wê deverê.
5. Rexsandina derfetên perwerde û rahênan ji bo wezîfedar û polîsên lokalî, herweha ji bo jin û cewan û zarokan, ew jî ji bo armanca ku bikaribin projeyên taybetên xwe rêvebibin û rolê wan di rêvebirna lokalî de hebît.
Em van daxwaziyan dikin û radigehînin û di heman dem da tekezê li ser pêbendbûnê bi peymanên exlaqî dikin yên ji bo aşitî û jiyana hevpar li gel hemû pêkhateyên ayinî û etnîkî û hêzên siyasî.
Li ser van bingehan daxwazê li hikumeta navendî ya Îraqê û hikumeta herêma başûrê Kurdistanê herweha hemû hêz û partiyên siyasî dikin ji bo bidestveînana van armancan, û cîbicîkirina wan weke projeyek ji bo asayiş ş ewleyê li wê deverê. Herweha rexsandina zemîneyek ji bo jiyar û jiyana hevpar a gelan li Îraq û derdorê.
Herweha daxwaz li rêxistiyên navdewletî dikin di serî de YE û dewletê herêmê, ku piştgîrîya vê projeya mirovayatîyê bikin da ku bikare bibe pêngavek ji bo êmnahî asayişê di rojhelata navîn de.
Sêyemîn konferansa kurdên feylî li perlementoya Ewropa yê
#12-04-2018# Broksel