حکومەتی حکومەتی هەرێمی کوردستان باج لەسەر پێنج جۆر بەروبومی کشتوکاڵی بیانیی زیاد دەکات، بەهۆی وەرزی پێگەیشتنی ئه و بەروبوومانە لە ناوخۆی هەرێمی کوردستان.
#وەزارەتی کشتوکاڵ# و سەرچاوەکانی ئاوی حکومەتی هەرێمی کوردستان بە هەماهەنگی لەگەڵ وەزارەتی بازرگانی بەمەبەستی ڕێگریکردن لە هەرزانبوونی بەرهەمی ناوخۆیی و سوودگەیاندن بە جوتیاران باجی زیاتری خستەسەر پێنج جۆر بەروبوومی کشتوکاڵیی کە لە دەرەوە هاوردە دەکرێن.
بەپێی نوسراوێکی وەزارەتی کشتوکاڵی هەرێمی کوردستان، لە 15ی 2018 حوزەیرانەوه وەزارەتی کشتوکاڵ و سەرچاوەکانی ئاو بە هەماهەنگی لەگەڵ وەزارەتی بازرگانی لیستی زیادکردنی باج لەسەر ئه و بەروبوومە کشتوکاڵییانەی کە هاوردەی هەرێمی کوردستان دەکرێن بڵاوکردەوە کە لە دەرەوە هاوردە دەکرێن، بەشێوەیەک باجی سەر بەروبوومی هاوردەکراو بەکیلۆ بەم شێوەیەیە (تەماتە 250 دینار، کاڵەک 250 دینار، بامیە 250 دینار، فاسۆلیا 250دینار، لۆبیا 250 دینار).
بەپێی بڕیارەکەی حکومەتی هەرێم، هەندێک لەو باجانە لەناوەڕاستی ئەم مانگەوە جێبەجێدەکرێن و بۆ هەر بەرهەمێک بەپێی ئەو کاتەی کە بەرهەمی ناوخۆ پێدەگات، دەچێتە بواری جێبەجێکردنەوە.
نەوزاد ئەدهەم، بەڕێوبەری گشتی بازرگانی هەرێم لە وەزارەتی بازرگانی لەوبارەیەوە بە دواڕۆژی ڕاگەیاند لەبارەی زیادکردنی باج لەسەر هەندێک بەرهەمی کشتوکاڵ حکومەتی هەرێمی کوردستان، ماوەی چەند ساڵێکە لە وەرزە جیاجیاکاندا و لەکاتی پێگەیشتنی بەروبوومە کشتوکاڵییەکان، باج لەسەر هەندێک له و بەرهەمانە دادەنێت و هەندێک بەرهەمیش بەدرێژایی ساڵ باجی لەسەر دانراوە.
ئەوەشی خستەڕوو، بەپێی ئه و ڕێنماییانەی دراوەتە گومرگەکان بۆ هەر کیلۆیەک له و بەروبوومە کشتوکاڵیانەی دیاریکراوە بڕی (250) دینار باج زیاتر وەردەگیرێت، ئەمەش بۆ ئەوە دانراوە کە بتوانرێت بەروبومی بیانیی کەمببێتەوه و بەروبومی ناوخۆیی ڕکابەری بەروبوومی دەرەکی بکات.[1]
#17-06-2018#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,442 keer bekeken
Schrijf uw commentaar over dit item!