بەڕێز: جەنابی سەرۆک کۆماری تورکیا #ڕەجەب تەیب ئەردۆغان#
لە ناخی دڵمەوە پیرۆزباییەکی گەرم لە خۆتان و حزبەکەتان و هەموو خەڵکی تورکیا دەکەم، بە بۆنەی ئه و سەرکەوتنە مەزنەی بەدەستتانهێنا.
ئاشکرایە کە پێگەی تورکیا لەرووی جیۆپۆلەتیکیەوە زۆر گرنگە لە ناوچەکه و تورکیا وڵاتێکی گەورە و گرنگە، به و پێیەشی دراوسێین زۆر خاڵی هاوبەشمان هەیە، پێشمانوایە ئیدارەدانی وڵاتێکی گەورەی وەکو تورکیا کارێکی ئاسان نییە، بەڵام بۆ جەنابتان کە توانیوتانە بە دەست و بازووی خۆتان بگەنە ئه و پۆستە چاوەڕوانی زۆرتان لێدەکرێ، هەر بۆیە پێویستە هەموومان بەخۆماندا بچینەوە و چارەسەری کێشەکان بکەین و ئەوەی بە ئاشتی و گفتوگۆ چارەسەر دەکرێ هیچ ڕێگایەکی تری نییە بۆ گەیشتن بە دیموکراسیەت.
لە ڕابردووداو لە کۆبوونەوەکانماندا لەگەڵ جەنابتان زۆر ڕاشکاوانه و ڕاستگۆیانە پێمانڕاگەیاندن کە تەنها بە دایەلۆگ کێشەکان چارەسەر دەکرێن، چارەسەری کێشەی گەورەش پێویستی بە پیاوی گەورەیە، هەر ئه و ئازایەتییەش لە جەنابتان چاوەڕوان دەکرێ بۆ چارەسەرکردنی کێشەی بنەڕەتی کورد لە تورکیاو کۆتاییهێنان بە گرژی و ئاڵۆزییەکان.
جارێکی تر ئەم سەرکەوتنە مەزنەتان پیرۆزە.
#کۆسرەت ڕەسول# عەلی
جێگری سکرتێری گشتی، یەکێتی نیشتمانی کوردستان
#25-06-2018#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,503 keer bekeken
Schrijf uw commentaar over dit item!