هەرساڵی [1980]بوو حەمەجەزای گۆرانیبێژ فەرمانی گرتنی لەلایەن ڕژێمی بەعسەوە بۆ دەرکرا و هاتەوە سلێمانی لە ماڵی خوالێخۆش بوو (محەمەد کوردستانی) خۆی شاردەوە و ڕێکخراوی سلێمانی ئاگاداریان کردم کە چارەسەرێکی بۆ بدۆزمەوە بۆ بردنە دەرەوەی بۆ ناوچەی قزلەر.
منیش بە جێبێکی لاندلۆڤەری خەتی بەکرەجۆ - سلێمانی کە شۆفێرەکەیم ئەناسی پێم وت، وتی زۆر باشە کراس و پانتۆڵێکی لە بەرکردو وێنەیەکی سەدامم دا لەگیرفانەکەی و 2 فەردە دەرمانیشم خستە ناو جێبەکەوە. کاک حەمەجەزا زۆر ترسا شۆفێرەکە وتی مەترسە لەڕێیەکی باشەوە دەڕۆین تەنها یەک شوێن هەیە کە کەمینی لێبێت هەرسێکمان سەرکەوتین و بەڕێکەوتین لە شێرکوژەوە بەره و دۆڵەڕووت لەوێشەوە بەره و قزلەر، باش بوو تووشی هیچ کەمینێک نەبووین بەسەلامەتی گەیاندمە ماڵی کاک کەریم سڵێمان کە برادەری خۆی بوو پیکاپێکی سووری هەبوو ئیتر من گەڕامەوە.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,432 keer bekeken