دواڕۆژ، بەختیار شەریف
بەپێی ئامارێکی فەرمی لایەنە پەیوەندیدارەکانی سنوری شارۆچکەی #چەمچەماڵ#، لە 10 مانگی ئەمساڵدا 238 حاڵەتی توندوتیژی گشتی تۆمارکراوە کە 152 حاڵەتیان دژی ئافرەتان بووە.
لە ئامارێکی نوسینگەی بەرەنگاربوونەوەی توندوتیژی خێزانی لەچەمچەماڵ ئەوە خراوەتەڕوو: لەماوەی 10 مانگی ئەمساڵدا (238) حاڵەتی توندوتیژی گشتی تۆمارکراوە، لەکاتێکدا لە 11 مانگی ساڵی ڕابردوودا (246) حاڵەت تۆمارکرابوو.
سەبارەت بە توندوتیژی دژی ئافرەتان، ئامارەکان ئاماژە بەوەدەکەن کە حاڵەتەکان زیادیان کردووە بەجۆرێک تەنیا لە 10 مانگی ئەمساڵدا (152) حاڵەتی توندوتیژی دژی ئافرەتان تۆمارکراوە، لەکاتێکدا لە 11 مانگی ساڵی ڕابردوودا (121) حاڵەت تۆمارکرابوو.
لەبارەی هۆکاری تۆمارنەکردنی حاڵەتی کوشتنی ژنان لە ئامارەکاندا، سەرچاوەیەک لە نوسینگەی بەڕەنگاربوونەوەی توندوتیژی خێزانی لەچەمچەماڵ بەدواڕۆژی ڕاگەیاند: لەئێستادا کەیسەکانی کوشتن و کوشتنی ئافرەتان لە بنکەکانی پۆلیس تۆماردەکرێن نەک لە بنکەکانی بەڕەنگاربوونەوەی توندوتیژی خێزانی.
بەپێی ئه و ئامارە (81) حاڵەتی توندوتیژی بەرامبەر پیاوان تۆمارکراوە.[1]
#29-10-2018#
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,655 keer bekeken
Schrijf uw commentaar over dit item!