زڕ هەر زڕەی لێوەدێ
زڕگوێز و زڕتولە و زڕدايک و زڕباوک و زڕبرا و زڕخوشک ئه و هەمووە زڕە لەپێش ئه و هەمووە ناوە گوزارشت لەوەدەکات بنچينەيی و ڕەسەن نين بەڵکو وەک دەستی دوو وان، جگە لەمانە زڕ پور و زڕخاڵ و زڕمام-يش دێنە ئاراوە، مرۆڤ لەدوای مناڵ ودايک وباوک و خوشک و برا و مام و پور و خاڵ و ئامۆزا و پورزا و تاد.... دێن، ئه و خۆشەويستيەی لەنێوان خوشک وبرای دايک وباوک يەکيدا هەيە لەنێوان خوشک وبرای دايک يان باوک جيادا نيە، ئەوانەی لەيەک هەناو هاتونەتە دەرەوە سۆزيان زياترە لەوانەی لە دوو هەناو هاتونەتە دەرەوە، يەک هەناو و دووباوکيش وەک يەک هەناو و يەک باوکی نيە، ئەگەر شيرت هەوری ساماڵی ڕابماڵێت ئەوا هەر بەچاوی زڕ لێت دەڕوانێت و بۆيە کە دوو خوشکی دايک يان باوک جيا يان دوو کوڕی باوک يان دايک جيا لێکتر نيگەران دەبن دەڵێن بەخوای(زڕ هەر زڕەی لێوە دێت) واتە هەست و سۆزی وەک ڕەسەن و بنچينە ولە يەک دايک وباوکی حەق نين.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 55 keer bekeken