لەمیانەی کۆبونەوەی گشتی نەتەوە یەکگرتوەکاندا کوردێک وەک سەرۆک ئامادەیی هەیە. ئامادەبونێکی پڕ جوڵەو دیدار، سەرۆکی وڵاتە گەورەکانی وەک ئەمریکاو بەریتانیا و ئەڵمانیاو فرەنساو ئیتاڵیاو سەرۆکی چەندین وڵاتی تر بەبایەخەوە تێزەکانی د #بەرهەم ساڵح# سەرۆک کۆماری عیراق گوێ بیست بوون بۆ چارەسەری گرفتەکانی ڕۆژهەڵاتی ناوەڕاست بەگشتی و گەڕانەوەی عیراق لە قۆناغی دوای سەرکەوتن بەسەر تیرۆری #داعش#دا بۆ ناو کایەی نێو نەتەوەیی.
لەگەڵ سەرۆکی ئەمریکا بەتایبەتی دیدارێکی تەواو سەرکەوتوی دیبلۆماسی ئەنجام درا. سەرۆکی عیراق بە وردی باسی قۆناغی بوژاندنەوەی کردوە دوای دەرکردنی یاسای ئەنجومەنی ئاوەدانکردنەوە (مجلس الاعمار) کە بایەخێکی زۆری دەبێت بۆ قەرەبووکردنەوەی ناوچە زەرەرمەندەکانی شەڕی تیرۆری داعش. هەروەها باس لە سیاسەتی میانڕوانەو هاوسەنگی عیراق کراوە لە ناو ململانێکانی ڕۆژهەڵاتی ناوەڕاستدا.
لە دیداری سەرۆکەکانی وڵاتاندا نوێنەری حکومەتی کوردستان یاوەری سەرۆکی عیراقە.
قسەم لەگەڵ ئەندامێکی وەفدەکە کرد باسی لە سەرسامی سەرۆکی وڵاتان کرد، بۆ توانای دیبلۆماسی سەرۆک کۆماری عیراق و ئەداکردنی گوتارو دیدەکانی لەبارەی دۆخی ئێستاو ئایندەی ڕۆژهەڵاتی ناوەڕاست و عیراق.
میدیاکانی جیهان بەگرنگیەوە دیدارەکانی سەرۆککۆماریان ڕوماڵکرد بەتایبەتی پەرۆشی بۆ پەرەپێدانی پەیوەندی هاوسەنگ و لێکگەیشتن بۆ هەماهەنگی و ڕەخساندنی دەرفەتی کاری هاوبەش بۆ بوژاندنەوەو سود وەرگرتن لە تواناکان، بەداخەوە هێشتا هەندێ میدیای خۆماڵی و بەتایبەتی کوردی ئەوەندە بایەخیان بەوتەی سەرۆکە بیانیەکاندا هێندە نەپەرژانە سەر تێزەکانی بەڕێز د بەرهەم ساڵح! لەکاتێکا پیشەییانەو نیشتمانیانە دەبوو زیاتر خۆیان دەرباز بکردایە لەو گرێیانەی ڕابردوو.
جیهان لە میانەی کۆبونەوەی نەتەوەیەکگرتوەکاندا بە دیقەتەوە گوێ لە سەرۆکە کوردەکەی عیراق دەگرن.
لەبارەی چۆنێتی بەدیهێنانی ئاشتی و ئاسایش بۆ گەلانی ناوچەکە،
هەورەها ئاوڕێک لە جینۆسایدی گەلەکەمان و ئێزیدیەکان و ڕۆڵی پێشمەرگەو دەرفەتە هاوبەشەکانی نێوان پێکهاتەکان و ڕێوشوێنە دەستوریەکان بۆ چارەسەری گرفتەکان دەخاتە ڕوو، لەگەڵ تێڕوانینی عیراق بۆ چارەسەری ئاڵۆزیەکانی ناوچەکەو گواستنەوەی گۆڕەپانی عیراق لە ململانێوە بۆ بەیەکگەیشتنی ئاشتیانە.
خەڵکی کوردستان ئەو چاوەڕوانییەیان هەیە لە دووتوێی دۆسیەی بەردەستیدا دۆزی نیشتمانی و دیموکراسی بەجۆرێک بخاتە ڕوو کە هاوسۆزی و پشتیوانی نێودەوڵەتی بۆ پەیدا بکات.
ئەم جوڵە دیبلۆماسیە ئاست بەرزەی سەرۆک بەرهەم ساڵح، جوڵە دیبلۆماسیەکانی سەرۆک #مام جەلال# بەبیر دێنێتەوە لە قۆناغێکی نوێ و لەسەردەمێکی جیاوازو گۆڕاودا[1].
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,366 keer bekeken
Schrijf uw commentaar over dit item!