$باکووری کوردستان$
- عەدنان تۆپچوو هاوسەرۆکی شارەوانی ناوچەی کۆپی مووش کە لە لایەن ڕژێمی ئاکەپەوە دەستگیرابوو لە مووشەوە بەرەو مەڕاش دوورخرایەوە.[1]
$باشووری کوردستان$
- عەمید سامان تاڵەبانی، بەرپرسی هەمئاهەنگیی نێوان پێشمەرگە و سوپای عێراق، کرایە فەرماندەی فیرقەی ئاڵتوونی دژەتیرۆری عێراق و شوێنی فازڵ بەرواریی گرتەوە.[3]
$رۆژئاوای کوردستان$
- لە نزیک ناوچەی عەین عیسا لە نێوان گروپە چەتەکانی سەر بە دەوڵەتی تورکی داگیرکەر و هێزەکانی ڕژێمی سوریا شەڕ و پێکدادان ڕوویدا.[1]
- دەوڵەتی تورکی داگیرکەر و چەتەکانی دوای ئەوەی هێرشیان کردە سەر گوندەکانی بیرکەتیک و کۆپرلیکی #گرێ سپی#، هێرشیان کردە سەر گوندی سەلیبێی ئەو ناوچەیەیش. هەروەها گوندەکانی مەراناز و ئەلقاسمیەی ناوچەی شەرای #عەفرین#یش بە سەختی تۆپباران دەکرێن.[1]
$دەرەوەی کوردستان$
- وەزارەتی بەرگریی ئەمریکا ڕایگەیاند، هێزەکانیان هێرشێکی ئاسمانیان بۆسەر پێنج بنکەی کەتایبی حیزبوڵڵا لە سووریا و عێراق ئەنجامداوە.[2]
- شانەی ڕاگەیاندنی ئەمنی عێراق، ڕایگەیاند، لە ئاکامی بۆردومانی فڕۆکەکانی ئەمەریکا بۆ سەر بارەگای لیوای (45)ی #حەشدی شەعبی# لە قائیم (4) چەکداری حەشد کوژران و (30)ی دیکە بریندار بوون.[4]
- ئەمڕۆ ڕوانگەی سوری بۆ مافەکانی مرۆڤ ڕایگەیاند، کە تا ئێستا 300 چەتەی دەوڵەتی تورک خۆیان گەیاندووەتە لیبیا و هەزار چەتەی دیکەش کە لە ئێستادا لە بارەگاکانی سوپای تورک پەروەردە دەبینن، چاوەڕێ دەکەن بگوازرێنەوە لیبیا.[2]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 29,512 keer bekeken
Schrijf uw commentaar over dit item!