لە وتارەکەیدا بەبۆنەی تێپەڕبوونی 100 ڕۆژی کارکردنی کابینەی نۆیەم، مەسرور بارزانی، سەرۆکی حکوومەتی هەرێمی کوردستان ڕای گەیاند: دەستمان بە ئەلکترۆنیکردنی چەند خزمەتگوزارییەکی گشتی کردووە و پەرەشی پێ دەدەین. خەریکین داتاسەنتەرێک، واتا ناوەندێکی زانیاری بۆ حکوومەت دادەمەزرێنین، کە زیاد لە 50 لە سەدی کارەکانی تەواو بووە و لە چەند مانگی داهاتوودا دەستبەکار دەبێت. ئەم ناوەندە بە شێوەیەکی ئەلکترۆنی، خزمەتگوزاریی گشتی پێشکەشی هاووڵاتییان و خاوەنکاران دەکات، بۆ ئەوەی بەئاسانی دەستیان بە خزمەتگوزارییە حکوومییەکان ڕابگات.
=KTML_Quote_Begin==KTML_Style=width:35%;float:right;=KTML_Quote_Icon=📍=KTML_Quote_Content=حکوومەت 300 بۆ 400 خزمەتگوزاری پێشکەش بە هاووڵاتییان دەکات، ئەوان ئەو خزمەتگوزارییانە بە ئەلیکترۆنی دەکەن و پۆڵینیان دەکەن و کارئاسانی بۆ هاووڵاتییان و فەرمانگەکانیش دەکەن=KTML_Quote_End=
هیوا ئەفەندی، سەرۆکی فەرمانگەی تەکنەلۆژیا و زانیاریی ئەنجوومەنی وەزیرانی کوردستان بە (باس)ی ڕاگەیاند: باڵەخانەی داتا سەنتەری حکوومەت لە مانگی 4ی ساڵی 2020 تەواو دەبێت، ڕووبەری باڵەخانەکە سێ هەزار مەترە و توانای لەخۆگرتنی گشت خزمەتگوزارییە ئەلیکترۆنییەکانی حکوومەتی هەیە.
پێیشی وایە، هەموو وڵاتێک بۆ ئەوەی بتوانێت خزمەتگوزارییەکانی خۆی بە ئەلیکترۆنی پێشکەش بکات، دەبێ داتاکان لە شوێنێکی ڕێکوپێک بپارێزرێن و لەو شوێنەشەوە هۆست بکرێن.
ئەفەندی، ڕوونی کردەوە، لەو داتا سەنتەرەدا ئەپڵیکەیشنی خزمەتگوزارییەکان ئامادە دەکرێت و سۆفت وێرەکانی لێ دروست دەکرێت، سەنتەرەکە ژێرخانی تەکنیکی و تەکنەلۆژیی حکوومەت دەبێت، گوتیشی: تاوەکوو ئەو ژێرخانەمان نەبێت، بابەتە ئەلیکترۆنی و تەکنەلۆژییەکانی حکوومەت سوودیان لێ وەرناگیرێت.
سەرۆکی فەرمانگەی تەکنەلۆژیا و زانیاری، جەختیشی کردەوە، ئەوەی تاوەکوو ئێستا لە خزمەتگوزاریی ئەلیکترۆنی کراوە، بەشێکی زۆر کەم بووە.
لە بڕگەیەکی کارنامەی کابینەی نۆیەمدا هاتووە: “کار دەکەین بۆ نەهیشتنی ڕۆتین و هەروەها خێراکردنی ڕاپەڕاندنی ئیش و کاری هاووڵاتییان، هەرچی زووترە پەرە بە خزمەتگوزارییە ئەلەکترۆنییەکان دەدەین، بە ئەلەکترۆنی کردنی کاروباری حکوومەت (حکوومەتی ئەلکترۆنی)، چ لە ئاست کاروباری ناوخۆی حکوومەت و چ لە ئاست پێشکەشکردنی خزمەتگوزارییە ئەلەکترۆنییەکان بۆ هاووڵاتییان، لە ئەرکە لە پێشینەییەکانمان دەبێت و بەم هۆیەوە ڕێگە لە ڕۆتین و بەهەدەردانی سامانی گشتی و کاتی هاووڵاتییان و دامەزراوەکان دەگیرێت و کوالێتیی خزمەتگوزارییەکان بەرز دەکرێتەوە.
هیوا ئەفەندی گوتیشی: سەرۆکی حکوومەت دیدێکی جیاوازی هەیە بۆ خزمەتگوارییە ئەلیکترۆنییەکان، بۆیە ساڵی 2020 ساڵێکی زۆر باش دەبێت بۆ خزمەتگوزارییە ئەلیکترۆنییەکانی حکوومەت.
ئاشکراشی کرد، حکوومەت 300 بۆ 400 خزمەتگوزاری پێشکەش بە هاووڵاتییان دەکات، ئەوان ئەو خزمەتگوزارییانە بە ئەلیکترۆنی دەکەن و پۆڵینیان دەکەن و کارئاسانی بۆ هاووڵاتییان و فەرمانگەکانیش دەکەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,817 keer bekeken
Schrijf uw commentaar over dit item!