#وەزارەتی ڕۆشنبیری# و لاوان داوایەک ئاڕاستەی ڕۆشنبیران و هونەرمەندان و وەرزشوانان دەکات.
لەپێناو بەرژەوەندی گشتی و سەلامەتی تەندروستی هاوڵاتیان لە هەرێمی کوردستان.
وەک وەزارەتی ڕۆشنبیری و لاوان داوا لە ڕۆشنبیران و نوسەران و هونەرمەندان وەرزشوانان دەکەین، وەک پاڵپشت بۆ هەوڵەکانی لیژنەی باڵای بەرەنگاربونەوەی ڤایرۆسی کۆڕۆنا و لایەنە پەیوەندیارەکانی تری حکومەتی هەرێم، هەڵمەتێکی نیشتیمانی دەست پێبکەن هەریەک لە بوارەکەی خۆی هاوڵاتیان هانبدەن بۆ پابەندبونیان بە ڕێنماییەکانی خۆپاراستن لە ڤایرۆسی کۆرۆنا، لەهەمان کاتیشدا داوا لە هاوڵاتیان بکەن هاوکار و هەماهەنگ بن لە جێبەجێکردنی بڕیارو ڕێکار و هەنگاوەکانی خۆپارێزی و بەرەنگاربونەوەی ئه و پەتایە لە هەرێمی کوردستان.
بۆیە وەک وەزارەتی ڕۆشنبیری و لاوان داواتان لێ دەکەین لەرێگەی کورتە ڤیدیۆ و نوسین و سپۆت و لایڤ و وێنە و پۆستەوە لە تۆڕەکۆمەڵایەتیەکان و هەر ڕێگە و چالاکییەکی تاکەکەسی لە چوارچێوەی ڕێنمایەکانی خۆپارێزی لە کۆڕۆنا پەیامەکانی هۆشیاری و خۆپارێزی له و پەتایە بگەیەننە هاوڵاتیان.
وەزارەتی ڕۆشنبیری و لاوان
#14-03-2020#
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,451 keer bekeken
Schrijf uw commentaar over dit item!