فیللەر؛ فیڵەر
ئەمڕۆ فیلەر بووەتە یەکێک لەو وشانەی کە زۆرترین جار ئەخرێتە ڕستەوە، بەتایبەت لەلایەن خانمانەوە، ئەڵبەتە ئەویش بۆ مەبەستی جوانکاریی وەک: بۆڵدکردن وئەستورکردنی لێو، بەرزکردنەوەی ڕومەت و برۆ، پرکردنەوەی خەتی نێوان برۆ و ڕێککردنەوەی خواری لوت و پڕکردنەوەی چالی ژێرچاو، تەحدیدکرنی خەتی شەویلگە و مل و هتد..
چەند جۆریک فیلەر هەیە، بەڵام دیارترینیان کە زۆر بەکاردێت لەلایەن پزیشکانی جوانکارییەوە ترشی هایەلورۆنیک-Hyaluronic Acid ە کە ماددەیەکی جێڵییە، ئەو ماددەیە بە ڕێژەیەک لەژێر پێستدا هەیە، بەڵام لەگەڵ هەڵکشانی تەمەن یان دابەزاندنی کێش، ڕێژەکەی لە پێستدا کەم ئەبێتەوە، دەرەنجام چرچی و لۆچی و خەت لە ناوچەکانی ڕوخسار پەیدا ئەبێت.. لە ڕێی بەکارهێنانی دەرزی فیلەر کە ئامادەکراوە لە سرنجێکی تایبەت بە قەبارەی 1 سیسی، ئەتوانرێ بە پێی پێویستی خەت و هێڵی ناوچەکانی ڕوخسار پربکرێتەوە ئەمیش ئاسایی تێکەڵ بە خانە و شانەی پێست ئەبێتەوە، سەرەنجام دەبێتە هۆی هێشتنەوەی بری ئاوی پێویست و جوانییەکی سرووشتی بۆ پێست.
جیاوازی فیلەر لەگەڵ زۆرێک لە ڕێگەچارەکانی جوانکاری دیکە ئەوەیە؛ ڕاستەوخۆ ئەنجامی ئیشەکە دەرئەکەوێت، کەسی چارەسەرکراو ئەتوانێت دوای ئەم چارەسەرە ڕاستەوخۆ بگەرێتەوە سەر ئیشوکاری ڕۆژانەی. [1]
Let op: Kurdipedia wil van alle Koerdische dialecten alle woorden en zinnen verzamelen, help a.u.b. Kurdipedia.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 621 keer bekeken