بەبۆنەی (22) ی نیسان یادی (122) ساڵەی دەرچوونی یەکەم ڕۆژنامەی کوردی ڕۆژنامەی (کوردستان)، پیرۆزبایی گەرم لە سەرجەم ڕۆژنامەنووسانی کوردستان دەکەین لەهەر شوێنێکی جیهاندان و ئەرکی ڕۆژنامەنەوانی بەشێوەیەکی پیشەیی و بەرپرسیارانە جێبەجێ دەکەن.
دەرچواندنی یەکەم ڕۆژنامەی کوردی لە ساڵی 1898 لەلایەن مقداد مدحەت بەدرخان و بنەماڵەی نیشتمانپەروەری بەدرخانەوە، وەرچەرخانێکی گەورەی مێژوویی بوو لە ڕەوتی فەرهەنگی گەلەکەمان و بزووتنەوەی کوردایەتی و کوردەواری بۆ مافەکانی.
#یەکێتیی نیشتمانیی کوردستان#، جگە لەوەی ڕچەشکێنی مێژوویی کردووە لە ڕۆژنامەوانی کوردی دا و یەکەم ڕۆژنامەی ڕۆژانەی کوردی و یەکەم تەلەفزیۆنی کوردی دوای ڕاپەرینی دامەزراندووە، هەمیشەیش خەباتی کردووە بۆ فراوانترکردنی زەمینەی ئازادی ڕۆژنامەنووسی و لەم بوارەیەشدا دەستکەوتی زۆر بەدیهاتووە، داوا لە ڕۆژنامەنوسانی کوردستان دەکەین، لەم قۆناغەدا، کە پێشکەوتنی گەورە لەبواری میدیا بەدیهاتووە، زیاتر خۆیان سازبدەن بۆئەوەی بە شێوەیەکی باشتر و بە پابەندبوون بە یاسا و ئیتیکی ڕۆژنامەوانی ئەرکەکانیان ڕابپەرێنن.
سەربەرزی بۆ شەهیدانی قەڵەم و ڕەنجی بە بەرهەمی باوکە دامەزێنەرەکان و ڕابەرانی ڕەوتی سەد و بیست و دووساڵەی ڕۆژنامەنووسی کوردستانی.
راگەیاندنی مەکتەبی سیاسی
یەکێتیی نیشتمانیی کوردستان
#21-04-2020#
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,675 keer bekeken
Schrijf uw commentaar over dit item!