بەڕێز مستەفا کازمی سەرۆکی ئەنجوومەنی وەزیرانی حکومەتی فیدڕاڵ
سڵاوی خوای گەورەتان لێبێت
مایەی خۆشحاڵیمانە کە پیرۆزباییتان لێبکەم بەبۆنەی دەستبەکاربوونتان بەسەرۆکی حکومەتی تازه و بەدەستهێنانی متمانەی ئەنجوومەنی نوێنەران، دیارە ئێمە لە سەختیی قۆناغەکە تێدەگەین کە کەوتۆتە ئەستۆتان بۆ جێبەجێکردنی کارنامەی حکومەتەکەتان و هەروەها زەمینەسازی بۆ لێبووردەیی و لێکتێگەیشتن و بەدیهێنانی گەشبینی لەنێوان ڕۆڵەکانی نیشتمان و ئاڕاستەکردنی وزه و تواناکان بۆ بنیادنانەوەی دەوڵەت لەسەر بنەماکانی ڕاستی و دیموکراسییەت.
بەم بۆنەیەوە دەخوازین کەوا پەیوەندییەکانی نێوان هەرێم و حکومەتی فیدڕالی توندوتۆڵ بکەینەوه و چارەسەری کێشە هەڵپەسێردراوەکانی نێوانمان بکەین بەگوێرەی دەستوورو لەسەر بنەماکانی هاوبەشی و دیموکراسیەت.
دەوڵەتی سەرۆکوەزیران
ئێمە لەکاتێکدا متمانەمان پێتانە لەتوانای بەجێهێنانی ئەم ئامانجانە کە لەسەرەتادا باسمان کرد، پاڵپشتیی تەواوی خۆیشمان ڕادەگەیەنین بۆ بەدیهێنان و گەیشتن به و ئامانجانە.
لەکۆتاییدا جارێکی تر ڕێزی خۆمانتان ئاڕاستە دەکەین.
د. #ڕێواز فایەق#
سەرۆکی پەرلەمانی کوردستان
#12-05-2020#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,642 keer bekeken
Schrijf uw commentaar over dit item!