سەرۆکایەتی یەکێتی نیشتمانی پرسەنامەیەکی ئاڕاستەی خانەوادەی #ئەحمەد بامەڕنی# کرد
بە داخ و پەژارەیەکی زۆرەوە بەڵای نەگریسی کۆرۆنا تێکۆشەر و پێشمەرگەی دێرین و دیبلۆماتی دیار دکتۆر ئەحمەد بامەڕنی لێستاندین.
بالێۆزی عێراق و گەلەکەمان و یەکێتی هەڤاڵ ئەحمەد بامەڕنی دیبلۆماتێکی لێهاتووی بزووتنەوەی ڕزگاریخوازی گەلەکەمان بوو، ڕۆڵی بەرچاوی هەبوو لە پەیوەندی دیبلۆماتی یەکێتی بە وڵاتانی دیموکراتی ئەوروپا و سۆشیال ئینتەرناسیونال، بە تایبەتیش وڵاتی فەڕەنسا. لە چەندین کۆنگرە و کۆربەندی جیهانیدا نوێنەرایەتی سەرۆک #مام جەلال# و یەکێتی کردووە. پاش پڕۆسەی ڕزگاری عێراقیش وەک باڵێۆزی عێراقی دیموکرات و فیدڕال درێژەی بە خزمەت داوە.
بە داخەوە نەخۆشی کۆرۆنا زەفەری بەم هەڤاڵە دێرینەمان برد و دوای کۆچی کەلێنێک کەوتە ڕیزی تێکۆشانی دیبلۆماتی گەلەکەمان و عێراقەوە.
بەم بۆنە خەمناکەوە سەرەخۆشی خۆمان ئاڕاستەی خوشکی بەرێزمان هەڤاڵ نازەنین عوسمان و منداڵەکانی و کەسوکاری و سەرجەم هەڤاڵانی یەکێتی و هەروەها سلکی دیبلۆماسی عێراق دەکەین.
ماڵئاوا هەڤاڵ و تێکۆشەری دێرین باڵوێز ئەحمەد بامەڕنی، ڕۆحت شاد و جێگای هەمیشەییت بەهەشت بێت.
سەرۆکایەتی یەکێتی نیشتمانی کوردستان
#21-08-2020#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,107 keer bekeken
Schrijf uw commentaar over dit item!