(ئاوێنەی قورئان) سوورەتی کەهف
دانراوی: ئامانج ژاژڵەیی (سەفایی)
ئەو ڕۆژەی وا کەلامی قەدیمی شکۆمەندی خودای موتەعال لە بەیتولعیززەوە بۆ ئەشکەوتی نوورانیی حیراء هاتەخوارو دابەزییە سەر دڵی ئەو ئاخرین فریادڕەسەی جیهان چاوەڕوانی هاتنی دەکرد، بە ئاشکرا و بێ پەردە لە ڕێگەی موخاتەبەی فەخری کائیناتەوە (صلی الله علیه وآله وسلم) کە فەرمووی (بخوێنە) ڕووی لوتفی لە تەواوی بەندەکانی زەوی کرد و بە حوکمی ئەوەی بۆخۆی باشترین دەقی خوێندنەوەیە فەرمانەکە بووە ئەوەی کە بفەرموێ ئەی خوڵقێنراوان بمخوێننەوە.
ئەوجا هەر لەبەر ئەوەی یەکەمین جار دڵی گەورەکەیان دەرگەی بۆ تەشەریفی ئەم کەلامە شیرینە کردووەتەوە، ئیدی لەو ڕۆژەوە هەرکەس لەم ئوممەتە بە دڵ قورئان بخوێنێت پەردەی نێوانی خۆی و مەعبود لادەدرێت و ئەو حاڵە پڕ بەرەکەتەی بۆ درووست دەبێت کە لە وەسفیدا خودا دەفەرموێ (إنما المؤمنون الذين إذا ذکر الله وجلت قلوبهم و إذا تليت عليهم آياته زادتهم إيمانا و علی ڕبهم يتوکلون)
خۆ ئەگەر بەو ئیمان و تەسەلیمبوونە قەلبییەشەوە نەخوێنرێتەوە پەنا بە خودای تاک و تاقانەی بێ هاوتا ئەو نەهامەتییە پەیدا دەبێت کە ئیمام غەزالی دەربارەی دەڵێت:
“ ئەگەر قورئانت خوێند یان بەرگوێت کەوت و دڵت کەفوکوڵی نەکرد و نەکەوتیتە گریان، ئەوا بگری و شیوەن بکە بۆ ئەو دڵەت کە بە قورئانیش نەرم نابێ “
Let op: Er is geen PDF-bestand in Kurdipedia voor dit boek beschikbaar, help Kurdipedia om dit bestand te verkrijgen! Boek verzenden Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,798 keer bekeken
Schrijf uw commentaar over dit item!