بەپێی ئاماری تۆڕی مافەکانی مرۆڤی کوردستان لە 23ی ئابەوە تا 23ی ئەیلول، لانیکەم 7 کۆڵبەر و کاسبکار لەسەر سنوور بە دەستی هێزەکانی پاسەوانی سنوری ئێران و تورک کوژراون.
تۆڕی مافەکانی مرۆڤی کوردستان ناوی کۆڵبەرەکانی بڵاوکردەوە کە ئەمانەن: زانکۆ ئەحمەدی، زانست حەسەن نژاد، سرووش مەکاری، جەلال خزری، شەهرام محەمەدی، سەلاحەدین عوسمانزادە و حسەین خەندەپوور.
هەروەها ئاماژەی بەوەشکرد کە کاسبکارە کوردەکان لە ناوچە سنورییەکانی سەردەشت، پیرانشار و چاڵدران لە پارێزگای ئازەربایجانی ڕۆژئاوادا شەهیدکراون و 11 کۆڵبەر و کاسبکاری کوردی دیکەیش هەر بە تەقەی هێزەکانی ئێران و تورک بریندارکراون.
دەوڵەتی تورکیا تا ئێستایش ئامادە نەبووە تەرمی یەکێک لە کۆڵبەرەکان بە ناوی شەهرام محەمەدی کە بە تەقەی هێزەکانی سوپای ئەو وڵاتە شەهیدکراوە، ڕادەست بکاتەوە.
هەر لە ماوەی مانگێکی ڕابردوودا لانیکەم 4 کۆڵبەر کە یەکیان منداڵیکە بە ناوی مانی هاشمی، بە هۆی کەوتنە خوارەوە لە شاخەوە بریندار بوون.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,188 keer bekeken
Schrijf uw commentaar over dit item!