عەدێ و مەدێ 47
عەدێ گۆتیە من ئەوە چت کرد؟ گۆتم: تێم ڕاکرد! گۆتی: تێمبگەینە چت تێڕاکرد؟ گۆتم: هەی ڕەحمەت لە بابت، وا لەبەر چاوی توو دەرزیم تێڕانەکرد، قابیلە چم تێڕاکردبی! ئەسکەندەر گۆتی: لە کێندەرت ڕاکرد؟ گۆتم: یاڕەبی خوایە زۆر شوکر، لە کێم ڕاکرد لە لا قوونی! گۆتی: ئەدی لۆ هاواری کرد و گۆتی: ئەی بابە قوونم دڕا! گۆتم: وەڵلا لە خۆی بپرسن، بزانن لۆ وەیگۆ! عەدێ و ئەسکەندەر هەرچەندی گازی مەدێیان کرد، مەدێ وەرامی نەبوو! ئەمن ڕەنگم تێکچوو، گۆتم: وابزانم ئەو زەلامەم کووشت! مەدێیان وەرگێڕا، دیقەتم دایێ چاوی خێل بووینە و دەویشی گڕکردبوو، ئەوەی نەفەس لەبەری نەمابوو، عەدێ سینگی گرت و دوو سێ جاران ڕایوەشاند و گۆتی: کورە مەدێ، کورە مەدێ! وەرامی نەبوو، دەتگۆ مەدێ سەیەکەی پێش دەرکەی یارانی ئەشکەوتیە و سێسەت و نۆ سارە مردیە! عەدێ تەماشا منی کرد و بەتووندی هاواری کرد: چت لە برام دایە پێمان برێ؟ گۆتم: وەڵلا ئەو دەرزیەیە کە ئەنگۆ داتانە من، بەران ئەو دەرزیە بڕەک بە قووەتە! ئەسکەندەر گۆتی: کوو دەزانی بە قووەتە؟ گۆتی: ئەوەتە ڕسمی چەکووچەکی لەسەرە، مەعنای وەیە چ چەکووچەکت لە تەپلی سەری بدەن، چ ئەو دەرزیەت لێدەن!
لە هەمووی ناخۆشتر کامۆی کارخانچی بە خۆ و بە بۆڕیەوە لەبەر پەنجەرەی دەهات و دەچوو و مڕەمڕی بوو، فرسەتیان بدابایێ بە بۆڕیان مارهەنجنی دەکردم! لەو داڵغانە دابووم، عەدێ گۆتی: کا دۆلکە ئاوەکی بینن پێی داکەین بزانین نایێتەوە سەرەخۆ! ئەسکەندەر دۆلکەکی دەست دایێ و لە مەغسەلی پڕی کرد و هینای بەهەمووی قووەتی بە چڕو چاوی مەدێی داکرد! مەدێ یەک بەخۆی ڕاپەڕی و گۆتی: بژی کورد! عەدێ گۆتی: وەی قوزەرقوورت، زەندەقی مەت برد! مەدێ دیاربوو هێشتا نەهاتبۆوە سەرەخۆ، گۆتی: هەڤاڵانی بەڕێز نەگەیشتینە کەرکووکێ؟ ئەسکەندەر گۆتی: ئەی سراو لە ئاقرت، ئەمە وا لە حەمرینیش ڕەت بووین! عەدێ گۆتی: ئەسکەندەر بڕۆ دۆلکەی ئاوەکیدی بینەو پێی داکە، بەشکو دێتەوە گەڕەکی پۆتیناوەی!
بڕەک پێچوو مەدێ هاتەوە سەرەخۆ، گۆتی: ئەرێ جەماعەت ئەوە چبوو لە پشتەوە پێی وەدام، وەڵلاهی نیوەمری کردم! ئەسکەندەر گۆتی: هیچ پێی وەنەدای کەرە، ئەوە دەرزی بوو لێمان دای! مەدێ گۆتی: پەکوو لەو عەلاماتەی، ئەوە دەرزی بوو یان دوو پشک بوو! گۆتم: چادەبی ئیشاڵلا مەدێ، دەوجە ئەمن ڕۆیشتم، کاکە بە معاون تووبیەکی برێن با دەرزیەکانیدی لێدا، ئەمن بڕەک دەستم گرانە، تاقەتی ئاخ و ئۆفی مەدێم نیە!
هەستام بڕۆم، لە حەوشەی بووە هەرا، مندارەک هاتە ژۆرێ و گۆتیە ئەسکەندەری: بابە بگە کامۆی، ئەو غاز فرۆشەی کووشت! ئەسکەندەر بە مشەوەشی گۆتی: لۆ کووشتی؟ مندارەکە گۆتی: وەڵلا کامۆ گۆتیتیە غاز فرۆشی: عوکمەت غازی کردیتە پازدە هەزار، ئەتوو کوو بە سێزدەی دەدەی، ئەتوو خائینی و زددی ئەو عووکمەتەی!
مایتی.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 573 keer bekeken
Schrijf uw commentaar over dit item!