ناونیشانی پەڕتووک: فەرهەنگەپیاو
ناوی نووسەر: حەسەن بەلاسم
ناوی وەرگێڕ: #زانیار عەلی#
وەرگێڕان لە زمانی: عەرەبی
دەزگای پەخش: وەشانی نووسیار
ساڵی چاپ: 2021
$لەبارەی ئەم پەرتووکەوە، زانیار عەلی وەرگێڕ دەڵێت$:
دەشێت دەقەکانی نێو ئەم پەرتووکە، وەک قۆناغەکانی گەشەسەندنی گێڕانەوە لای بەلاسم تەماشایان بکەین، کە لەم پەرتووکەوە دەستی پێ کرد و هێدیهێدی ناوبانگی بە جیهاندا بڵاو بووەوە. دەقەکانی نێو ئەم پەرتووکە، ڕامانی ئەون لەبارەی ژیان، مەرگ، شیعر، گێڕانەوە و سینەماوە. دونیای ئەدەبیی بەلاسم، دونیایەکی قووڵ و فرەڕەهەند، هەندێک جاریش سەیر و نامۆیە. پشت بە یەک تەکنیکی گێڕانەوە نابەستێت و هەر دەقێکی، هەڵگری چەندین تێما و ڕەگەزی جیاوازن. لە زۆر شوێنی ئەم پەرتووکەیشدا، نووسەر ڕووبەڕووی چەند چیرۆک و ڕووداوێکی تەمومژ و نادیارمان دەکاتەوە و بۆ تێگەیشتن لە مەبەستی، وا دەخوازێ لەنێوان دێڕەکاندا لە هاتوچۆیەکی بەردەوامدا بین و زۆر بەوردی بە دوای کۆد و نهێنییەکانی نێو دەقەکان بگەڕێین. بە هەندێک ئەزموونی سەرەتاییی نووسەر ئاشنا دەبین، کە دواتر ڕێیان بۆ دیاریکردنی تەکنیک و دونیابینیی ئەو خۆش کرد و لە دەقەکانی دیکەیشیدا ڕەنگیان دایەوە. نووسەر ڕووبەڕووی بیر و باوەڕی باوی خەڵک دەوەستێتەوە و بە گژیاندا دەچێتەوە، کە ڕەنگە لە ئەنجامی خوێندنەوەی ئەم پەرتووکە و بگرە پەرتووکەکانی دیکەیشی؛ پانتایییەک شک نەبەن دەست بە بیر و باوەڕی خۆیانەوە بگرن و نەکەونە ژێر پرسیار و گومانەوە![1]
Let op: Er is geen PDF-bestand in Kurdipedia voor dit boek beschikbaar, help Kurdipedia om dit bestand te verkrijgen! Boek verzenden Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 696 keer bekeken
Schrijf uw commentaar over dit item!