دەقی ڕوونکردنەوەکەی پۆلیسی دهۆک:
بەیاننامەک ژ ڕێڤەبەریا پولیسێن پارێزگەها دهوکێ
ئەڤرو ل ڕێکەفتی 22/10/2020 دەنگویێ دەستەسەرکرنا چەند تومەتباران ل تورێن جڤاکی و هندەک کەنالان هاتیە ڕاگەهاندن و ب مخابنی ڤە ڕادگەهینین دویر ژ ئەتەکێتێن کارێ ڕوژنامەڤانی و بێ بەرپرسیارانە گوتنێن کێم و زێدە هاتینە کرن و ل گەلەک پەیج و کەنالان هاتیە گوتن کو بێرێزی ب تومەتباران هاتیە کرن و دسەر ماڵا وان دا گرتیە، ئەم وەکو ڕێڤەبەریا پولیسێن پارێزگەها دهوکێ ڤی خەبەری ڕەد دکەین و ب هیچ ڕەنگەکی ئەڤا هاتیە گوتن نەهاتیە ڕویدان و دورە ژ ڕاستیێ و هندەک کەس و لایەنێن تێکدەرو هەوڵا تێکدانا ڕەوشا ئاراما پارێزگەها دهوکێ دکەن و بو شێواندن و ڤەشارتنا ڕاستیان ڤان خەبەرێن بێ بنەما بەلاڤ دکەن.
یا ڕاست سەبارەت بابەتێ ئەڤرو فەرمانا گرتنێ ژلایێ دادوەری ڤە ل دویڤ بەندێ (بەندێ 221 ژیاسایێن سزای) بو چەند تومەتباران ل دهوکێ دەرچویە و و پولیس و دەزگایێن دی یێن ئەمنی ل ژێر سەرپەرشتیا ڕێڤەبەرێ پولیسان عمید شعلان ئەحمەد وەکو هەر فەرمانەکا دی یا گرتنێ کارێ خو جێبەجێکریە و بابەت گەلەکێ سروشتی یە و بو هاولاتیێن هێژا دیار دکەین کو بێرێزی ب هیچ ڕەنگەکی ب تومەتباران نەهاتیەکرن و ئەو کەسێن هاتینە گرتن ب ڕێزگرتن و ل دیف یاسایێ هاتینە ڕەوانەکرن بو دادگەهێ و بجوانترین شێوە سەرەدەری دگەل هاتیە کرن بو زانین و ڕوهنکرن.
رێڤەبەریا پولیسێن پارێزگەها دهوکێ
22/10/2020 [1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 980 keer bekeken
Schrijf uw commentaar over dit item!